استانادا مۇناي سالاسى بويىنشا قىزمەت كورسەتۋ كومپانياسىنىڭ ءبىر توپ جۇمىسشىسى سانكتسيالانباعان ميتينگ ۇيىمداستىردى, دەپ حابارلايدى Egemen.kz قالالىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
ەل زاڭناماسىنا سايكەس, بۇقارالىق ءىس-شارالار جەرگىلىكتى اتقارۋشى ورگانداردى حاباردار ەتە وتىرىپ, تۇرعىنداردىڭ تىنىس-تىرشىلىگىن قامتاماسىز ەتەتىن نىسانداردىڭ قالىپتى جۇمىسىنا كەدەرگى كەلتىرمەيتىندەي, ارنايى رۇقسات ەتىلگەن جەردە ۇيىمداستىرىلۋى قاجەت.
الايدا, ميتينگكە قاتىسۋشىلار جەرگىلىكتى اتقارۋشى ورگاندارعا ء تيىستى ءوتىنىش جولداماي, جەرگىلىكتى ءماسليحات شەشىمىنىڭ تىزىمىندە جوق جەردە سانكتسيالانباعان شارا ۇيىمداستىرعانى انىقتالدى.
ناتيجەسىندە, «بەيبىت جيىندار تۋرالى» زاڭىن بۇزۋىنا بايلانىستى اكتسيانىڭ بىرقاتار ۇيىمداستىرۋشىسى مەن بەلسەندى قاتىسۋشىلارى پوليتسيا بولىمشەسىنە جەتكىزىلدى.
ۇستالعاندار قر اكىمشىلىك قۇقىقبۇزۋشىلىقتار تۋرالى كودەكسىنىڭ 488 جانە 667 باپتارى بويىنشا جاۋاپقا تارتىلادى.
اتالعان باپتاردىڭ سانكتسيالارىنا سايكەس كىنالى ادامدارعا ەسكەرتۋ جاسالادى نەمەسە 30 ايلىق ەسەپتىك كورسەتكىش كولەمىندە ايىپپۇل سالىنادى. ولار سونداي-اق 15 تاۋلىككە اكىمشىلىك قاماۋعا الىنۋى مۇمكىن.