كەشە الەمدىك جانە ءداستۇرلى دىندەر كوشباسشىلارىنىڭ سەزى حاتشىلىعىنىڭ ءحىىى وتىرىسىنا جانە V سەزگە ءازىرلىك جونىندە جۇمىس بابىنداعى وتىرىس بولدى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.
قازاقستان رەسپۋبليكاسى پارلامەنتى سەناتىنىڭ ءتوراعاسى, الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ باسشىسى قاسىم-جومارت توقاەۆتىڭ توراعالىق ەتۋىمەن 2014 جىلعى 14 قىركۇيەكتە استانادا وتەتىن الەمدىك جانە ءداستۇرلى ءدىندەر كوشباسشىلارى سەزى حاتشىلىعىنىڭ ءحىىى وتىرىسىنا ازىرلىك جونىندەگى جۇمىس بابىنداعى كەڭەس بولدى.
سەنات توراعاسى قازاقستان پرەزيدەنتى نۇرسۇلتان نازارباەۆ باستاماشىسى بولىپ تابىلاتىن ءدىني فورۋمنىڭ ەرەكشە ماڭىزىن اتاپ ءوتتى.
حاتشىلىق وتىرىسى 2015 جىلى الەمدىك جانە ءداستۇرلى دىندەر كوشباسشىلارىنىڭ V سەزىن وتكىزۋدەگى ماڭىزدى دايىندىق كەزەڭى بولادى. وسىعان بايلانىستى ق.توقاەۆ وسى ماڭىزدى فورۋمنىڭ تۇجىرىمدامالىق, يدەولوگيالىق جانە ساياسي ماسەلەلەرى جونىندەگى ءوز ويلارىن ورتاعا سالىپ, ءتيىستى تاپسىرمالار بەردى.