تۇركىستان وبلىسىنىڭ پوليتسەيلەرى بوپسالاۋ قىلمىسى بويىنشا ەكى جىگىتتى انىقتادى, دەپ حابارلايدى Egemen.kz.
تۇركىستان وبلىسى پوليتسيا دەپارتامەنتىنە لەڭگىر قالاسىنىڭ تۇرعىنى ارىزداندى. جابىرلەنۋشىنىڭ ايتۋىنشا, ونى بەلگىسىز بىرەۋلەر پىشاقپەن قورقىتىپ, كۇش قولدانىپ, 5 ميلليون تەڭگە بوپسالاعان. پوليتسەيلەر اتالعان جايتتى قر قك-ءنىڭ 194-بابى 3-بولىگى «قورقىتىپ الۋ» بويىنشا تىركەپ, كۇدىكتىلەردى انىقتاۋعا كىرىستى.
اقپارات بويىنشا قىلمىستى اشۋعا, كۇدىكتىلەردى ۇستاۋعا بىردەن تۇركىستان وبلىسى پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ تاجىريبەلى قىزمەتكەرلەرى مەن جەدەل-تەرگەۋ توبى جۇمىلدىرىلدى.تولە بي اۋدانىنىڭ اۋماعىندا جەدەل-ىزدەستىرۋ ءىس-شارالارىن جۇرگىزگەن پوليتسەيلەر 5 ميلليون تەڭگە كولەمىندەگى اقشانى الىپ تۇرعان جەرىنەن ەكى جىگىتتى ۇستادى. ولاردىڭ بىرەۋى بۇرىن سوتتى بولعان تولە بي اۋدانىنىڭ تۇرعىنى.