ەكى ادامدى ءولتىردى دەگەن كۇدىكپەن 23 جاستاعى جەرگىلىكتى تۇرعىن ۇستالدى, دەپ حابارلايدى Egemen.kz.
اقتوبە قالاسىنداعى كوپقاباتتى ءۇيدىڭ بىرىنەن ايەل مەن كامەلەتكە تولماعان ۇلىنىڭ ءمايىتى تابىلدى. ال ونىڭ 13 جاستاعى قىزى وبلىستىق بالالار اۋرۋحاناسىنىڭ جانساقتاۋ بولىمشەسىنە اۋىر جاراقاتتارمەن جاتقىزىلدى.
قر ءىىم كريمينالدىق پوليتسيا دەپارتامەنتىن ۇيلەستىرۋىمەن تەرگەۋشىلەر مەن جەدەل قىزمەتكەرلەردىڭ قاجىرلى ەڭبەگىنىڭ ناتيجەسىندە جانە بەينەباقىلاۋ كامەرالارىنىڭ كومەگىمەن كۇدىكتى تۇرعىن ءۇي-جايعا كىرىپ, زورلىق-زومبىلىق كورسەتىپ, ەكى ادامدى ءولتىرىپ, قاراقشىلىق شابۋىل جاساعانى انىقتالىپ, قاماۋعا الىندى.
بۇل قىلمىستى جاسادى دەگەن كۇدىكپەن 23 جاستاعى جەرگىلىكتى تۇرعىن ۇستالدى. ول قىلمىس جاساعانىن مويىندادى. تەرگەۋ جالعاسىپ جاتىر.