تايلاند قوناقۇيلەرىنىڭ بىرىندە تارتىپسىزدىك جاساپ, ادامدارعا شابۋىلداعان قازاقستاندىق تۋريست پوليتسيا قىزمەتكەرلەرىنەن قاشۋعا تىرىسقان, دەپ حابارلايدى Egemen.kz.
Thairath باسىلىمى حابارلاعانداي, قازاقستاننان كەلگەن تۋريست جاعاجايدا ءوزىن دورەكى ۇستاعانى ءۇشىن قاماۋعا الىندى. ول ادامدارعا شابۋىل جاساپ, قوناقۇيلەر مەن مەيرامحانالاردىڭ اۋماقتارىنا باسىپ كىرگەن.
جەرگىلىكتى قۇقىق قورعاۋ ورگاندارىنىڭ قىزمەتكەرلەرىنەن جاسىرىنباق بولعان تۋريست تەڭىزگە سەكىرىپ, سۋداعى تاستارعا وتىردى. ول قولىن سەرمەپ «بۇل باقىت, ماحاببات, قۋانىش جانە راقىم!» دەپ ايقايلاعان.
پوليتسيا ءتۋريستى سۋدان شىعۋعا كوندىرە الدى. كەيىن ۇستالعان ادام ىشىمدىك ءىشىپ, كاننابيس شەككەنىن مويىندادى.
ەر ادام بارلىق شىعىندى وتەۋگە ۋادە بەردى.