قازاقتار مەن كورەيلەر بىرىگىپ كينو تۇسىرۋگە كەلىستى

ەلىمىزدە «MG Production» مەن وڭتۇستىك كورەياداعى اتاقتى «پليۋس F» كينوكومپانياسى ۇزاق مەرزىمدى كەلىسىمشارتقا قول قويدى ەكىنىڭ ءبىرى ەلىمىزدە «MG Production» دەپ اتالاتىن كينوكومپانيانىڭ بار ەكەندىگىن بىلمەسە دە, ءبىر قاۋىم كورەرمەن وسى كومپانيا تۇسىرگەن «ەلەس قۋعان سايىپقىران», «وبراتنايا ستورونا», «999», «انا جۇرەگى» دەپ اتالاتىن كارتينالاردى كورگەن. سونىمەن, قازاق­­­ستانداعى اتالمىش كومپانيا ءوڭتۇس­­تىك كورەياداعى اتاقتى «پليۋس F» كومپانياسىمەن كوركەم فيلمدەر مەن تەلەسەريالدار ءتۇسى­رۋ تۋرالى ۇزاق مەرزىم­دى ارىپتەستىك كەلىسىم­شارتى­نا قول قويدى. ماسەلەن, «پليۋس F» كينوكومپانياسى ءوز ەلىندە تابىستى تەلەسەريالدار مەن كوركەم فيلمدەر تۇسىرۋگە ابدەن ماشىقتانعان, ابىرويلى كارتينالار جاساۋمەن اتى شىققان كينوكومپانيالاردىڭ ءبىرى. وسىناۋ كينوكومپانيا تۇسىرگەن تالاي كارتينالار حالىقارالىق كينوفەستيۆالدەردىڭ لاۋرەاتى اتانعان. ال قازاقستانداعى «MG Pro­duction» كينوكومپانياسىنىڭ دا اياق الىسى جامان ەمەس. بيىل جىل باسىندا «ەلەس قۋعان سايىپ­قىران» اتتى عىلىمي فانتاس­تيكالىق ەلەمەنتتەرى بار كوركەم ءفيلمدى بىردەن ەكى تىلدە تارتۋ ەتكەنى وقىرمانعا ايان. شىندىعىندا, جاڭا فيلم ەكشن جانرىن جاقسى كورەتىن كورەرمەندەردىڭ كوڭىلىنەن شىق­قان-دى. العاشقى قازاق بلوكباس­تەرى اۋقىمدى سپەتسەففەكتىلەرى­مەن, ساپالى گرافيكاسىمەن دە ەرەكشەلەندى. – بۇل – كينەماتوگرافيا سالا­سىندا ەكى ەلدىڭ بىرىگىپ جۇمىس ىستەۋىنىڭ ءبىرىنشى مىسالى. وڭتۇستىك كورەيانىڭ تەلە جانە كي­نوونىمدەرى ازيا مەن تمد ەلدەرىندە ۇلكەن سۇرانىسقا يە. ءبىز قولعا العان باستاما قازاق­ستاندىق-كورەيالىق كينوجوبالاردى جاڭا رىنوكقا شىعارۋعا كومەكتەسەدى, – دەيدى «MG Produc­tion» كينوكومپانياسىنىڭ باس ديرەكتورى ەرنار مالىكوۆ. ەرنار مالىكوۆتىڭ ايتۋىنشا, بۇل قادام قازاقستان مەن وڭتۇستىك كورەيا اراسىنا تارتىلعان مادەني كوپىردى مەملەكەتتىك دەڭگەيدە عانا بەكەمدەپ قويماي, قازاقتار مەن كورەيلەردى جاقىنداستىرا ءتۇسۋدىڭ يگى امالدارى بولىپ تابىلادى. – بىزدەر ەكى ەلدىڭ مادەنيەت­تەرىن, تاريحي قۇندىلىقتارى مەن ادەت-عۇرىپتارىن ءبىر-بىرىنە بۇ­رىنعىدان دا تۇسىنىكتى ەتىپ, جا­قىنداستىرا بەرۋدى دە نيەت ەتىپ وتىرمىز, – دەيدى قازاقستاندىق كينەماتوگراف. قىسقاسى, كەلىسىمگە كەلگەن ەكى كينوكومپانيا ءوز جوبالارىن جۇزەگە اسىرۋ ءۇشىن مەملەكەتتىك تەلەارنالار مەن كينوستۋديالار­دىڭ كومەگىنە سۇيەنىپ جانە جەكە دەمەۋشىلەر تارتۋدى كوزدەپ وتىر. مۇنداي جوبالار – كينو جانە تەلەسەريالدار ءتۇسىرۋ ءوندىرىسى قازاقستان ءۇشىن كوممەرتسيالىق تۇرعىدا ءتيىمدى بولۋىنا سەپتەسەدى دەپ ويلايدى كينوگەرلەرىمىز. ايناش ەسالي, «ەگەمەن قازاقستان». الماتى.