كولۋمبيادا نەۆادو-دەل-رۋيس جانارتاۋىنىڭ ويانۋىنا بايلانىستى قاۋىپتى ەسكەرتۋدىڭ قىزعىلت سارى دەڭگەيى جاريالاندى. جانارتاۋ ماڭايىندا 180 جەر سىلكىنىسى بولدى, دەپ حابارلايدى Egemen.kz.
نەۆادو-دەل-ءرۋيستىڭ سەيسميكالىق قاۋپى جانارتاۋدىڭ وڭتۇستىك-باتىس سەكتورىندا 2-دەن 4 كم-گە دەيىن جانە كراتەردەن 1,7-دەن 6 كم-گە دەيىنگى قاشىقتىققا تارالدى.
بۇل ۆۋلكان ارنالارى ىشىندەگى سۇيىقتىقتاردىڭ قوزعالىسىنا بايلانىستى. بىرنەشە رەت كۇل اتقىلادى, بۇل جانارتاۋدى باقىلاۋعا قولدانىلاتىن ۆەب-كامەرالار ارقىلى راستالدى. Elespectador باسىلىمىنىڭ حابارلاۋىنشا, قىزعىلت سارى دەڭگەيدەگى قاۋىپ الدىڭعى كۇندەرمەن سالىستىرعاندا وزگەرىپ, تومەندەۋى مۇمكىن, بىراق بۇل ونىڭ بەلسەندىلىكتىڭ تومەنگى دەڭگەيىنە جەتتى دەگەن ءسوز ەمەس.
كولۋمبيا گەولوگيالىق قىزمەتىنىڭ (SGC) ساراپشىلارىنىڭ مالىمدەۋىنشە, قاۋىپ دەڭگەيى وزگەرىپ, سارى سپەكترگە ورالۋى ءۇشىن ۋاقىت قاجەت. سوندىقتان نەۆادو-دەل-ءرۋيستىڭ قاۋىپ دەڭگەيى بىرنەشە اپتا بويى قىزعىلت سارى بولىپ تۇرماق.