شىمكەنتتە 20-دان استام فۋتبول جانكۇيەرى پوليتسياعا جەتكىزىلدى. ولار جاپپاي توبەلەسكەن, دەپ حابارلايدى Egemen.kz.
Polisia.kz-ءتىڭ حابارلاۋىنشا, ەڭبەكشى اۋداندىق پوليتسيا باسقارماسىنا ءۋاليحانوۆ كوشەسىندەگى «پراگا» كافەسىنىڭ جانىندا ەر ادامدار توبەلەسىپ جاتقانى تۋرالى حابارلاما تۇسكەن.
وقيعا ورنىنا دەرەۋ پاترۋلدىك پوليتسيا قىزمەتكەرلەرى مەن جەدەل-تەرگەۋ توبى بارعان.
«ورداباسى» مەن «اقتوبە» فۋتبول كوماندالارىنىڭ جانكۇيەرلەرى اراسىندا كەلىسپەۋشىلىك بولعانى انىقتالدى.
قازىرگى تاڭدا پوليتسيا باسقارماسىنا 20 ادام جەتكىزىلدى. پوليتسيا وقيعانىڭ بارلىق ءمان-جايىن انىقتاپ جاتىر.