سەناتتىڭ اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ دەپۋتاتتارى قر ەكولوگيا جانە تابيعي رەسۋرستار مينيسترلىگىنىڭ باسشىلىعىمەن كەزدەستى. جۇزدەسۋدە ەرەكشە قورعالاتىن تابيعي اۋماقتاردى قورعاۋ ماسەلەلەرى تالقىلاندى, دەپ حابارلايدى Egemen.kz.
سەناتورلار قازىرگى قوعامدا بۇل تاقىرىپتىڭماڭىزى ارتا تۇسكەنىن اتاپ ءوتتى. سوڭعى جىلدارى رۇقسات ەتىلمەگەن پوليگوندار كوبەيىپ, سيرەك كەزدەسەتىن وسىمدىكتەر مەن تابيعي رەسۋرستاردى جويۋ وقيعالارى جيىلەپ كەتكەن بولاتىن. سوندىقتان دا قازىرگى كەزدە جۇرتشىلىق وكىلدەرى قورشاعان ورتانى, فلورا مەن فاۋنانى قورعاۋعا بايلانىستى ماسەلەلەردى قىزۋ تالقىلاۋدا.
قازىرگى ۋاقىتتا ەلىمىزدە مەملەكەتتىك 14 ۇلتتىق تابيعي پارك, مەملەكەتتىك 10 تابيعي قورىق جانە مەملەكەتتىك 7 تابيعي قورىق, مەملەكەتتىك 5 تابيعي ايماق بار. ەرەكشە قورعالاتىن تابيعي اۋماقتاردىڭ جالپى اۋدانى 29,3 ملن گەكتاردى قۇرايدى, بۇل – ەلىمىز اۋماعىنىڭ 10,77%-ى بولىپ وتىر.
«بۇگىنگى وتىرىس بارىسىندا ەرەكشە قورعالاتىن تابيعي اۋماقتاردىڭ ەكولوگيالىق تۇراقتىلىعىن قامتاماسىز ەتۋ سالاسىن زاڭنامالىق رەتتەۋ ماسەلەلەرى قارالدى, فلورانى ساقتاۋ ماسەلەلەرى كوتەرىلدى. سونداي-اق ءورت جانە تابيعي اپاتتارعا بايلانىستى پروبلەمالار دا كوتەرىلدى, تابيعي رەسۋرسالەۋەتىن ۇتىمدى پايدالانۋ جولدارى جانە باسقا دا ماڭىزدى ماسەلەلەر تالقىلاندى», دەدى سەناتور ءالي بەكتاەۆ.
كەزدەسۋگە قر ەكولوگيا جانە تابيعي رەسۋرستار ءمينيسترىنىڭ ورىنباسارى نۇركەن شاربيەۆ, سونداي-اق بۋراباي, ىلە-الاتاۋ ۇلتتىق تابيعي پاركتەرى مەن مارقاكول تابيعي قورىعىنىڭ باسشىلىعى قاتىستى.
سەناتورلار شارا بارىسىندا ايتىلعان ۇسىنىستار پىسىقتالاتىنىن جانە ۇكىمەتكە جىبەرىلەتىن ۇسىنىمدار تىزبەسىنە ەنگىزىلەتىنىن اتاپ ءوتتى.