2021 جىلدىڭ قاڭتار-جەلتوقسان ايلارىندا مەملەكەتتىك بيۋدجەتتىڭ كىرىسى ءبىر جىلدا 9,1% ءوسىپ, 15,8 ترلن تەڭگە بولعان.
بۇل رەتتە مەملەكەتتىك بيۋدجەت شىعىسى وتكەن جىلدىڭ قاڭتار-جەلتوقسان ايلارىمەن سالىستىرعاندا 19,9% ۇلعايىپ, 21,5 ترلن تەڭگەگە جەتتى. 2021 جىلى مەملەكەتتىك بيۋدجەتتىڭ شىعىسى 18 ترلن تەڭگە بولعان. بۇل ءبىر جىل بۇرىنعىدان 7,3% ارتىق. بۇل تۋرالى Finprom.kz جازدى.
كىرىستىڭ باسىم بولىگى – 73,3%-ى ءداستۇرلى تۇردە سالىق تۇسىمدەرى ەسەبىنەن الىنعان. سالىق تۇسىمدەرى ءبىر جىلدا 38,4% ءوسىپ, 14,8 ترلن تەڭگەگە جەتتى. ونىڭ ىشىندە تاۋارلارعا, جۇمىستار مەن قىزمەتتەرگە ىشكى سالىقتار 5,8 ترلن تەڭگە, تابىس سالىعى 5,5 ترلن تەڭگە, حالىقارالىق ساۋدا مەن سىرتقى وپەراتسيالارعا سالىقتار 2 ترلن تەڭگە, الەۋمەتتىك سالىق 1 ترلن تەڭگە, م ۇلىك سالىعى 455,3 ملرد تەڭگە بولعان.
سالىقتىق ەمەس تۇسىمدەر ءبىر جىلدا 41,1% ءوسىپ, 584,8 ملرد تەڭگەگە جەتتى. ولاردىڭ باسىم بولىگى مەملەكەتتىك مەنشىكتەن تۇسكەن كىرىستەردەن (338,9 ملرد تەڭگە), سونىمەن قاتار مەملەكەتتىك بيۋدجەتتەن نەمەسە قر ۇلتتىق بانكىنىڭ بيۋدجەتىنەن قارجىلاندىرىلاتىن مەملەكەتتىك مەكەمەلەر سالاتىن ايىپپۇلداردان, سانكتسيالاردان, ءوسىمپۇلداردان (112,8 ملرد. تەڭگە) تۇسكەن.
نەگىزگى كاپيتالدى ساتۋدان تۇسكەن ءتۇسىم (239,9 ملرد تەڭگە) قۇرادى. بۇل ءبىر جىل بۇرىنعىدان 15% ارتىق. ونىڭ ىشىندە مەملەكەتتىك مەكەمەلەرگە بەكىتىلگەن مەملەكەتتىك م ۇلىكتى ساتۋدان 200,2 ملرد تەڭگە, جەر ۋچاسكەلەرى مەن ماتەريالدىق ەمەس اكتيۆتەردى ساتۋدان 32,8 ملرد تەڭگە, مەملەكەتتىك ماتەريالدىق رەزەرۆتەن تاۋارلاردى ساتۋدان 7 ملرد تەڭگە كىرىس ءتۇستى.
2022 جىلدىڭ ون ەكى ايىندا ترانسفەرتتەردىڭ تۇسىمدەرى ءبىر جىلدا 1,8% ءوسىپ, 4,6 ترلن تەڭگە بولعان.
بىلتىرعى ون ەكى ايدا مەملەكەتتىك بيۋدجەت شىعىسىنىڭ باسىم بولىگى ءبىلىم بەرۋ سالاسىنا تيەسىلى: 21% نەمەسە 4,52 ترلن تەڭگە. بۇل ءبىر جىل بۇرىنعىدان 22,8% ارتىق. تاعى 20,9%-ى الەۋمەتتىك كومەك پەن الەۋمەتتىك قامسىزداندىرۋعا جۇمسالدى: 4,5 ترلن تەڭگە, ءبىر جىل بۇرىنعىدان 11,6% ارتىق.
شىعىننىڭ 9,8%-ى دەنساۋلىق ساقتاۋ سالاسىنا ءتۇستى: 2,1 ترلن تەڭگە. ءبىر جىل بۇرىنعى 2,3 ترلن تەڭگەمەن سالىستىرعاندا, 6,5% از. شىعىنداردىڭ ءبىر جىلدا ەڭ كوپ ءوسىمى ونەركاسىپتە (91,8%, 111,4 ملرد تەڭگەگە دەيىن), ەڭ ازى تۇرعىن ءۇي-كوممۋنالدىق شارۋاشىلىق سالاسىندا (5,9%, 1,3 ترلن تەڭگەگە دەيىن) بايقالدى.