جاقىندا سەرىك كۇدەباەۆقا حالىقارالىق ىزدەۋ جاريالاندى. ونىڭ شەكارا اسىپ قاشىپ كەتكەنى انىقتالدى, دەپ حابارلايدى Egemen.kz.
سەرىك كۇدەباەۆتىڭ ءىسىن قاراپ جاتقان تالدىقورعان وبلىستىق سوتى وعان ىزدەۋ جاريالانعانىن مالىمدەگەن. ول قىلمىستىق كودەكستىڭ 370-بابىنىڭ 4-بولىگىنىڭ 1-تارماعى «اۋىر زارداپتارعا اكەپ سوققان قىزمەتتەگى ارەكەتسىزدىك» بويىنشا سوتقا تارتىلعان.
الايدا سوت وتىرىسى بىرنەشە رەت كەيىنگە قالدىرىلىپ كەلدى. اقىرىندا ونىڭ ەلدەن قاشىپ كەتكەنى بەلگىلى بولدى. الايدا ۇقق سەرىك كۇدەباەۆقا ىزدەۋ جاريالانعاننان كەيىن ونىڭ رەسمي جۇمىس ىستەپ تۇرعان وتكىزۋ پۋنكتەرى ارقىلى قازاقستان رەسپۋبليكاسىنىڭ مەملەكەتتىك شەكاراسىنان وتپەگەنىن حابارلاعان.
الايدا سەرىك كۇدەباەۆ قىرعىزستان ارقىلى ءۇشىنشى ەلگە كەتتى دەگەن اقپارات تارادى. وسى بويىنشا ۇقك شەكارا قىزمەتى قىزمەتتىك تەكسەرىستى باستادى. بۇل تۋرالى ۇقك توراعاسىنىڭ ورىنباسارى – شەكارا قىزمەتىنىڭ ديرەكتورى, گەنەرال-مايور ەرلان الداجۇمانوۆ مالىمدەدى.
ودان بولەك, شەكارا قىزمەتىنىڭ ديرەكتورى بۇل دەرەك بويىنشا قىلمىستىق ءىس قوزعالعانىن ايتتى.