استانادا 8 ساۋىردەن باستاپ ءتورت مارشرۋتتىق اۆتوبۋستىڭ قوزعالىس كەستەسى وزگەرەدى, دەپ حابارلايدى Egemen.kz City Transportation Systems سايتىنا سىلتەمە جاساپ.
«جول قوزعالىسى قاۋىپسىزدىگىن قامتاماسىز ەتۋ جانە اۆاريالىق جاعدايلاردىڭ الدىن الۋ ماقساتىندا, ايالداما پۋنكتىنەن شىعۋداعى, سونداي-اق ءتورت جولاقتى جول توسەمى كەزىندە سولعا بۇرىلىستا قايتا تۇرۋ كەزىندەگى قيىندىققا بايلانىستى, تۇران داڭعىلىنىڭ بويىندا (قورعالجىن تاس جولى باعىتىندا) ورنالاسقان Keruen City سوو ايالداما پۋنكتى 2023 جىلعى 8 ساۋىردەن باستاپ №35, 300, 305, 312 باعدارلاردىڭ قوزعالىس سحەماسىنان الىپ تاستالادى», دەلىنگەن حابارلامادا.
كومپانيا جولاۋشىلاردان مۇقيات بولۋدى جانە ءوز باعدارلارىن الدىن الا جوسپارلاۋدى ءوتىندى.