ماعجاننىڭ مارجان جىرلارى

وسىعان بايلانىستى مادەني ءىس-شارالار ءوتىپ جاتىر. الدىمەن ماعجان ولەڭدەرىن وقۋدان پوەزيالىق چەللەندج باستالدى. وعان ەلىمىزدىڭ ايتۋلى اقىن-جازۋشىلارى, مەملەكەت جانە قوعام قايراتكەرلەرى, وبلىس, اۋدان اكىمدەرىنە دەيىن قاتىسىپ ءجۇر. ودان كەيىن جازبا اقىندارىنىڭ «مەن ولمەيمىن, مەنىكى دە ولمەيدى» اتتى رەسپۋبليكالىق ءمۇشايراسى ءوتتى. وعان ەلىمىزدىڭ بارلىق تۇكپىرىنەن جۇزگە جۋىق اقىن قاتىسىپ, سونىڭ 30-ىنا جۇلدە بەرىلدى.

«ماعجاننىڭ مارجان جىرلارى» اتتى كەلەسى ءىس-شارا ءتىپتى وزگەشە بولدى. بۇعان سول­تۇستىك قازاقستان وبلىسىنىڭ قالا مەن اۋدان ورتالىقتارى, اۋىل مەكتەپتەرىنەن 300 وقۋ­شى قاتىستى. بۇل جارىستىڭ شارتى بويىنشا ءاربىر وقۋشى اقىننىڭ 30 ولەڭىن جاتقا ايتۋ­ى كەرەك. جەڭىستەن ۇمىتكەرلەردىڭ ارا­سىنان 72-ءسى ىرىكتەلىپ الىنىپ, وبلىس ساحنا­سىنداعى فينالعا قاتىستى. جارىستىڭ شارتى بويىنشا قاتىسۋشى قورجىننان اسىق الادى. ال وندا ماعجان ولەڭىنىڭ تاقىرىبى بەرىلگەن, اسىقتى العان بالا سونى جاتقا ايتىپ بەرۋى كەرەك. مىسالى, س.شايمەردەنوۆ اتىن­داعى قالالىق كلاسسيكالىق گيمنازياسىنىڭ وقۋشىسى ماحاببات سمايىلوۆا وزىنە تۇسكەن اقىننىڭ «جان ءسوزى» ولەڭىن جاڭىلماي وقىپ بەردى جانە باعا بەرۋشى جانداردىڭ ايتۋدى ۇسىنعان ولەڭدەرىن ءارى قاراي ءىلىپ اكەتتى. «مەن ماعجاننىڭ 40 ولەڭىن جاتقا بىلەمىن. وسىنداي سايىستارعا جىل سايىن قاتىسىپ, جۇلدەلى ورىندار الىپ ءجۇرمىن», دەيدى ماحاببات.

وسىناۋ ۇلكەن-كىشىنىڭ بارىنە اسەرلى بول­عان جارىستى «ماعجان جىلىنا» وراي ۇيىم­داستىرعان جارقىن جۇپارحان: «بۇل – قىزىل­جاردا كەم دەگەندە 300 بالا ماعجاننىڭ 30 ولەڭىن جاتقا ايتادى دەگەن ءسوز. وتكەن جازدا جولىم ءتۇسىپ قاراسازعا بارعاندا بايقادىم, كوشەدە كەز كەلگەن ادامدى توقتاتىپ سۇراساڭ, مۇقاعاليدىڭ كەم دەگەندە ءبىر ولەڭىن جاتقا بىلەدى ەكەن. قىزىلجارلىقتار دا ءدال سولاي, ماعجاننىڭ جىرلارىن جۇرەك تۇكپىرىندە ۇس­تاۋى كەرەك», دەدى ول بىزگە.

وسىلايشا, ماعجاننىڭ 130 جىلدىعى تۋعان جەرىندە لايىقتى اتالىپ جاتىر, باسقالاردىڭ دا ودان قالماسىنا سەنىمدىمىز.

سولتۇستىك قازاقستان وبلىسى