پوليتسيا قىزمەتكەرلەرى ونىڭ قىلمىستىق ارەكەتىن وتكەن جىلدىڭ تامىز ايىندا اشكەرەلەدى, دەپ حابارلايدى Egemen.kz.
«مەفەدرون جەتكىزۋ ارناسىن انىقتاۋ ءىس-شاراسى ناتيجەسىندە ءبىزدىڭ ءبولىم قىزمەتكەرلەرىنىڭ نازارىنا قالاداعى ويىن-ساۋىق مەكەمەلەرىنىڭ بىرىندە جۇمىس ىستەيتىن بارمەن ءتۇستى. ونىڭ جۇمىس ورنىندا – تۇنگى كلۋبتىڭ بار كاسساسىندا مەفەدرون ساتىلىمى ۇيىمداستىرىلعانى انىقتالدى. كۇدىكتى ەسىرتكى ساتۋ كەزىندە قولعا ءتۇستى. باردى جانە جەكە ءتىنتۋ كەزىندە ودان ساتۋعا دايىندالعان, ىشىندە مەفەدرون بايلامدارى بار تەمەكىنىڭ ەكى قورابى تاركىلەندى. تەرگەۋ شارالارى ۇستالعان ازاماتشانىڭ تۇرعىلىقتى جەرىندە جالعاستى. كۇدىكتىنىڭ قۇربىسى ەسىرتكىدەن قۇتىلعىسى كەلدى, بىراق بۇل ويى جۇزەگە اسپاي قالدى. ساتۋعا دايىندالعان 20 دوزا مەفەدروننان بولەك, ەلەكتروندى تارازى, قاپتاما ماتەريالى جانە ەسىرتكى زاتى بار 3 بايلام تابىلدى», دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
وسىلايشا, تۇنگى كلۋبتا ەسىرتكى ساتقان بارمەن 10 جىلعا باس بوستاندىعىنان ايىرىلدى.
الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ قاۋلىسىمەن ۆ. ەسىمدى ازاماتشا قر قك-ءنىڭ 297-بابى 3-بولىگىنىڭ 3,6-تارماعىندا كوزدەلگەن قىلمىستىق قۇقىق بۇزۋشىلىقتى جاساعانى ءۇشىن كىنالى دەپ تانىلدى.