اقمولا وبلىسىندا ءبىر توپ تۇلعا ۇرلانعان كولىك قۇرالدارىن تىركەۋ جانە ساتۋمەن اينالىسقان, دەپ حابارلايدى Egemen.kz قارجى مونيتورينگ اگەنتتىگىنىڭ ءباسپاسوز قىزمەتىنە سىلتەمە جاساپ.
قما وبلىستىق دەپارتامەنتى 2020-2021 جىلدار ارالىعىندا رەسەي فەدەراتسياسىنان قازاقستانعا زاڭسىز جولمەن كولىك قۇرالدارىن اكەلگەن ازاماتتاردىڭ ارەكەتىن اشكەرەلەدى.
«اتالعان تۇلعالار الدىن الا كەلىسىم بويىنشا ىزدەۋدەگى كولىكتەردى رەسەي فەدەراتسياسىنىڭ اۋماعىندا ساتىپ الىپ, كەيىننەن ولارعا جالعان قۇجاتتار جاسالىپ, سونىڭ نەگىزىندە شەكارادان ءىس جۇزىندە وتپەي قازاقستان اۋماعىندا تىركەگەن. قۇجاتتاردى جانە مەملەكەتتىك تىركەۋ ءنومىرىن العان سوڭ, شەكارادان ءوتىپ, ساتىپ وتىرعان», دەپ جازىلعان حابارلامادا.
سوت ۇكىمىمەن ءۇش ازامات 8, 7 جانە 6 جىلعا باس بوستاندىعىنان ايىرىلدى (ۇكىم زاڭدى كۇشىنە ەنگەن جوق).