بايقاۋ سىناعى پەداگوگتەردىڭ ءبىلىمىن باعالاۋعا (بۇدان ءارى – پبب) دايىندالۋعا كومەك رەتىندە ازىرلەندى. ۇستازدارعا ۇتو سايتىندا https://prob-teacher.testcenter.kz/ سىلتەمەسى بويىنشا تەگىن ونلاين تەستىلەۋدەن ءوتۋ مۇمكىندىگى بەرىلەدى. ول ءۇشىن تەك جسن تەرىپ, تەست ءتۇرىن تاڭداپ, بايقاۋ سىناعىنا كىرىسۋ كەرەك.
«پەداگوگتەرگە ارنالعان پبب-نىڭ جاڭا فورماتىنا سايكەس تەستىلەۋ ەكى بلوكتان جانە 50 تەست تاپسىرماسىنان تۇرادى: ءبىرىنشى بلوك «پاندىك ءبىلىم» – 30 تاپسىرما, ەكىنشى بلوك «وقىتۋ ادىستەمەسى» – 20 تاپسىرما. وسىعان بايلانىستى ءبىز بايقاۋ سىناقتارىنىڭ بازاسىن جاڭارتتىق. بايقاۋ سىناقتارىنىڭ كومەگىمەن پەداگوگتەر وزدەرىنىڭ دايىندىعىن جاقسارتىپ, تەستىلەۋدىڭ جاڭا فورماتىمەن تانىسا الادى», دەپ اتاپ ءوتتى قر عجبم ۇلتتىق تەستىلەۋ ورتالىعىنىڭ ديرەكتورى رۋسلان ەمەلباەۆ.
سونىمەن قاتار پبب-عا دايىندالۋ ماقساتىندا ۇستازدار ۇتو سايتىنىڭ «پەداگوگتەرگە» بولىمىندە تەست تاپسىرمالارىنىڭ سپەتسيفيكاتسياسىمەن تانىسا الادى. سونداي-اق سايتتا تەستىلەۋدىڭ سۇراقتارى ۇسىنىلعان ادەبيەتتەردىڭ ءتىزىمى جاريالاندى.
وسىلايشا, قر عىلىم جانە جوعارى ءبىلىم مينيسترلىگى پەداگوگتەردىڭ پبب-عا ساپالى دايىندىعى ءۇشىن كوپتەگەن شارا قابىلداپ جاتىر. ايتا كەتەيىك, 2023 جىلعى 27 ناۋرىزدا 3-22 ءساۋىر ارالىعىندا وتەتىن پبب-عا وتىنىشتەر قابىلداۋ باستالدى. تەستىلەۋگە تىركەلۋ ۇتو-نىڭ https://app.testcenter.kz/ سايتىندا ونلاين جۇزەگە اسىرىلادى.