الماتى وبلىسى پوليتسيا دەپارتامەنتىنىڭ بۇرىنعى باسشىسى سەرىك كۇدەباەۆ سوت وتىرىسىنا كەلۋدەن باس تارتتى, دەپ حابارلايدى Egemen.kz جەتىسۋ وبلىستىق سوتىنىڭ ءباسپاسوز قىزمەتىنە سىلتەمە جاساپ.
كۇدەباەۆقا قاتىستى قىلمىستىق ءىس بويىنشا سوت وتىرىسى 3 ساۋىرگە تاڭعى ساعات 10:00-گە شەگەرىلگەنى حابارلاندى.
«سوتتالۋشىنىڭ سوت وتىرىسىنا كەلمەۋىنە بايلانىستى سوتتالۋشىنىڭ دالەلدى سەبەپتەرىن راستايتىن مالىمەتتەر جوق. سوعان بايلانىستى قىلمىستىق ءىس جۇرگىزۋ كودەكسىنىڭ 157 جانە 335-باپتارىنا سايكەس سوت كۇدەباەۆتى كورسەتىلگەن ۋاقىتقا ماجبۇرلەپ اكەلۋ تۋرالى قاۋلى شىعاردى», دەلىنگەن سوت حابارلاماسىندا.