ەلىمىزدە اسكەري بورىشىن وتەپ كەلگەندەر مەن اسكەر قاتارىنداعى ۇزدىك ازاماتتارعا بىرقاتار جەڭىلدىك قاراستىرىلعان, دەپ حابارلايدى Egemen.kz.
قورعانىس مينيسترلىگىنىڭ مالىمەتىنشە, اسكەردەگى بورىشىن وتەگەن كەز كەلگەن ازامات ەلىمىزدىڭ جوعارى وقۋ ورىندارىنا ۇبت-سىز اقىلى بولىمىنە تۇسە الادى. ال اسكەر قاتارىنداعى ۇزدىكتەر تەگىن وقي الادى. ولاردى قورعانىس مينيسترلىگى, ۇقك, ۇلتتىق ۇلان ءوز كريتەريلەرىنە ساي انىقتايتىن بولادى.
اتالمىش جوبانى 30-عا جۋىق وتاندىق جوو قولداۋعا دايىن. سوعان سايكەس ساربازدارعا تەگىن وقۋعا مۇمكىندىك بەرەتىن جوو ءتىزىمى بەلگىلى بولدى:
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى; Astana IT University; «تۇران استانا» ۋنيۆەرسيتەتى; قازاق تەحنولوگيا جانە بيزنەس ۋنيۆەرسيتەتى; حالىقارالىق ينجەنەرلىك-تەحنولوگيالىق ۋنيۆەرسيتەتى; م.س.نارىكباەۆ اتىنداعى كازگيۋ ۋنيۆەرسيتەتى; ق.ي.ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتى; ءال-فارابي اتىنداعى قازاق ۇلتتىق ۋنيۆەرسيتەتى; ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتى; حالىقارالىق اقپاراتتىق تەحنولوگيالار ۋنيۆەرسيتەتى; قازاقستان-رەسەي مەديتسينا ۋنيۆەرسيتەتى; ع.داۋكەەۆ اتىنداعى الماتى ەنەرگەتيكا جانە بايلانىس ۋنيۆەرسيتەتى; د.ا.قوناەۆ اتىنداعى ەۋرازيالىق زاڭ اكادەمياسى; حالىقارالىق ءبىلىم بەرۋ كورپوراتسياسى قازاق اۆتوموبيل-جول ينستيتۋتى: الماتى مەنەدجمەنت ۋنيۆەرسيتەتى; Caspian University دەنە شىنىقتىرۋ جانە بۇقارالىق سپورت اكادەمياسى; قازاق جولدار جانە قاتىناستار ۋنيۆەرسيتەتى; تۇران ۋنيۆەرسيتەتى; ازاماتتىق اۆياتسيا اكادەمياسى; م.وسپانوۆ اتىنداعى باتىس قازاقستان مەديتسينالىق ۋنيۆەرسيتەتى.