قىزىلوردا وبلىسى پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسى جانە قر ۇلتتىق ۇلاننىڭ «بۇركىت» اج قىزمەتكەرلەرى بىرلەسىپ جۇرگىزگەن جەدەل-ىزدەستىرۋ شارالارى ناتيجەسىندە 27 ناۋرىز كۇنى تۇرعىلىقتى مەكەن-جايىنداعى جىلىجايدا قاراسورا وسىرگەن 54 جاستاعى قالا تۇرعىنى ۇستالدى, دەپ حابارلايدى Egemen.kz.
پوليتسيا قىزمەتكەرلەرى كۇدىكتىنىڭ ۇيىنەن ەگىلگەن وسىمدىكتەر مەن كەپتىرىلگەن جاپىراقشالاردى تاركىلەدى.
وتىز جەتى ءتۇپ سورا ارنايى ىدىستاردا وسىرىلگەن. ءۇي اۋلاسىن ءتىنتۋ كەزىندە ودان بولەك 1,5 كەلىدەن اسا كەپتىرىلگەن ماريحۋانا تابىلدى.
وسىعان بايلانىستى قر قك 296 – بابىنىڭ ءتورتىنشى جانە 300 - بابىنىڭ 2 - بولىگىمەن سوتقا دەيىنگى تەرگەپ-تەكسەرۋ ارەكەتتەرى جۇرگىزىلەدى.
كۇدىكتى ۋاقىتشا ۇستاۋ يزولياتورىنا قامالدى.