تابيعي مونوپوليالاردى رەتتەۋ كوميتەتىنىڭ پاۆلودار وبلىسى بويىنشا دەپارتامەنتىنىڭ ماماندارى ەكىباستۇز قالاسىنىڭ پروكۋراتۋراسىمەن «ەكىباستۇزتەپلوەنەرگو» جشس-ءنىڭ قىزمەتىنە جۇرگىزىلگەن تەكسەرۋ اياسىندا ءمونوپوليستتىڭ زاڭ تالاپتارىنىڭ ساقتالۋىنا تەكسەرۋ جۇرگىزدى, دەپ حابارلايدى Egemen.kz ۇلتتىق ەكونوميكا مينيسترلىگىنە قاراستى تابيعي مونوپوليالاردى رەتتەۋ كوميتەتىنىڭ ءباسپاسوز قىزمەتىنە سىلتەمە جاساپ.
«ەكىباستۇزتەپلوەنەرگو» جشس 2022-2023 جىلدارداعى جىلىتۋ ماۋسىمىنا بەكىتىلگەن تەمپەراتۋرالىق كەستەنىڭ پارامەترلەرىنە ەكىباستۇز قالاسىنىڭ تۇرعىندارىن جىلۋمەن ساپاسىز قامتاماسىز ەتۋ تۇرىندەگى جۇيەلى تۇردە سايكەس كەلمەۋىن ەسكەرە وتىرىپ, قر قك 4-بولىگى بويىنشا بەس اكىمشىلىك ءىس قوزعادى. بۇل باپتاردىڭ سانكتسياسىندا 27 600 000 تەڭگە ايىپپۇل قاراستىرىلعان.
«ەكىباستۇزتەپلوەنەرگو» جشس اكىمشىلىك قۇقىق بۇزۋشىلىق تۋرالى كودەكسىنىڭ 811-بابىنا سايكەس 7 تاۋلىك ىشىندە ايىپپۇل سوماسىنىڭ 50%-ىن, ياعني 13 800 000 تەڭگەنى وتەدى.