قاسىم-جومارت توقاەۆ قازاقستاننىڭ تۋريزم سالاسىنداعى الەۋەتى جوعارى ەكەنىن اتاپ ءوتتى, دەپ حابارلايدى Egemen.kz.
مەملەكەت باسشىسى تۋريزم سالاسىنا دەن قويۋ كەرەگىن ايتتى.
«تاعى ءبىر ماڭىزدى ماسەلە. ۇكىمەت جانە پارلامەنت ءتۋريزمدى دامىتۋ ماسەلەسىنە باسا نازار اۋدارۋعا ءتيىس. ەلىمىزدەگى ءتۋريزمنىڭ الەۋەتى زور, كورىكتى جەرلەرىمىز وتە كوپ. بىراق سول جەرلەرگە بارىپ, دەمالۋعا ءالى دە جۇرتتىڭ قولى جەتە بەرمەيدى. بۇل سالاعا تىڭ سەرپىن بەرۋ ءۇشىن, ەڭ الدىمەن, ينفراقۇرىلىم ماسەلەسىن كەشەندى تۇردە شەشىپ, قىزمەت ساپاسىن تۇبەگەيلى جاقسارتۋ قاجەت», دەدى ق. توقاەۆ.
سونىمەن قاتار تۋريزم سالاسىنا كوبىرەك ينۆەستيتسيا تارتۋدى تاپسىردى.
«كاسىپكەرلەر ءتۋريزمنىڭ بولاشاعى زور ەكەنىن كورۋى كەرەك. سول ءۇشىن قاجەتتى جاعدايدى جاساعان ءجون. وسى سالاعا سالىنعان جەكە ينۆەستيتسيانىڭ كولەمى, ىشتەن جانە سىرتتان كەلگەن تۋريستەردىڭ سانى نەعۇرلىم كوپ بولسا, جۇمىستىڭ ناتيجەسى دە سوعۇرلىم ءتيىمدى بولماق», دەپ اتاپ ءوتتى پرەزيدەنت.