قاسىم-جومارت توقاەۆ مەملەكەت بيۋدجەتىنىن ءتيىمدى جۇمسالماي جاتقانىن ايتىپ, مەملەكەت قارجىسىن يگەرۋ ساياساتىن قايتا قاراستىرۋدى تاپسىردى, دەپ حابارلايدى Egemen.kz.
پرەزيدەنت بيۋدجەت شىعىندارىنا قاستىستى ەسكەرتۋ جاساپ, قارىزداردىڭ كوبەيگەنىن اتاپ ءوتتى.
«بۇل قارجى تەك ەلىمىزدى دامىتۋعا جۇمسالۋى قاجەت. اتالعان ماسەلە بيۋدجەت شىعىندارىنا دا قاتىستى. الايدا بيۋدجەتتىڭ جوسپارلانۋى مەن جۇمسالۋى كوڭىل كونشىتپەيدى. مەملەكەتتىك قارىزدى وتەۋ شىعىنى ارتىپ بارادى. ۇلتتىق قوردان بولىنەتىن ترانسفەرت ازايماي تۇر. بارلىق دەڭگەيدەگى بيۋدجەتتى ءتيىمدى يگەرۋ پروبلەماسى ءالى دە بار. سوندىقتان بىزگە جان-جاقتى ويلاستىرىلعان ءارى تەڭگەرىمدى بيۋدجەت ساياساتى كەرەك. بيىل پارلامەنت قاراۋىنا ەنگىزىلەتىن جاڭا بيۋدجەت كودەكسىنىڭ جوباسى اتالعان ماسەلەلەردى شەشۋگە باعىتتالۋعا ءتيىس», دەپ تاپسىرما بەردى قاسىم-جومارت توقاەۆ.