بۇل كۇندەرى UFC-دە قازاقستان نامىسىن قورعايتىن جاۋىنگەر شاۆكات راحمونوۆتىڭ (17-0) جۇمىس كەستەسى وتە تىعىز. سوعان قاراماستان ول ءوزىنىڭ جانكۇيەرلەرىنىڭ دە كوڭىلىن قالدىرماي ءجۇر. امەريكالىق دجەفف ءنيلدى سان سوقتىرعان سپورتشىعا ءتۇرلى سىيلىقتار ءالى دە تابىستالىپ جاتىر, دەپ حابارلايدى Egemen.kz.
قازاقتىڭ ادەت-عۇرپى بويىنشا جىلقىنى تەك ەرەكشە ماڭىزدى جاعدايلاردا قۇرمەت بەلگىسى رەتىندە, ساتتىلىك پەن وركەندەۋ تىلەي وتىرىپ بەرۋگە بولادى.
سپورتشىعا تۇلپار مىنگىزۋ ءساتى بەينەلەنگەن ۆيدەو الەۋمەتتىك جەلىدە تارادى.
استانالىق ات سپورتى اۋەسقويلارى دا ىرىمىن جاساپ, سپورتشىعا سايگ ۇلىك تۇرىندەگى ءداستۇرلى سىيلىقتى تابىس ەتتى.
شاۆكات راحمونوۆ ءوز ءىس-شارالارىنىڭ كەستەسىن استانادا مەملەكەت باسشىسى قاسىم-جومارت توقاەۆپەن كەزدەسۋدەن باستادى. پرەزيدەنت راحمونوۆتى UFC تۋرنيرىندەگى بەسىنشى مەرزىمىنەن بۇرىن جەڭىسىمەن قۇتتىقتاپ, وعان الەمنىڭ سپورتتىق ارەنالارىندا جاڭا بيىكتەرگە جەتۋىن تىلەدى.