استانادا قايرات بورانباەۆتىڭ ىسىنە قاتىستى سوت وتىرىسى ءوتىپ جاتىر. پروكۋرور ونى 8 جىلعا باس بوستاندىعىنان ايىرىپ, مۇلكىن تاركىلەۋدى سۇرادى, دەپ حابارلايدى Egemen.kz.
سارىارقا اۋداندىق №2 سوتىندا قايرات بورانباەۆقا قاتىستى قىلمىستىق ءىستى قاراۋ جالعاسىپ جاتىر.
«قايرات بورانباەۆتى قىلمىستىق كودەكستىڭ 28-بابىنىڭ 5-بولىگىندە (قىلمىس جاساۋعا جاردەمدەسۋ), اتالعان باپتىڭ 2-تارماعىنىڭ 189-بولىگىنىڭ 4-بولىگىندە (جىمقىرۋ نەمەسە بوگدەنىڭ مۇلكىن اسا ءىرى مولشەردە ۇرلاۋ), سونىمەن قاتار 218-باپتىڭ 3-بولىگىنە سايكەس قىلمىستىق جولمەن ءىرى كولەمدە اقشا جانە م ۇلىك يەلەنگەنى ءۇشىن كىنالى دەپ تانۋدى سۇرايمىن. وعان قر قىلمىستىق كودەكستىڭ 28-بابى, 5-بابى جانە 4-باپتىڭ 189-بولىگى بويىنشا جازا تاعايىندالسىن. ياعني ءومىر بويى مەملەكەتتىك قىزمەت, قارجى نارىعى مەن قارجى ۇيىمدارىن رەتتەۋ مەن باقىلاۋ جانە قاداعالاۋ جونىندەگى ۋاكىلەتتى ورگاندا, مەملەكەتتىك ۇيىمدار مەن كۆازيمەملەكەتتىك سەكتور سۋبەكتىلەرىندە لاۋازىمداردى اتقارۋ قۇقىعىنان ايىرا وتىرىپ, 8 جىل باس بوستاندىعىنان ايىرۋ جانە 218-بابى 3-بولىگى بويىنشا م ۇلىكتەرىن تاركىلەۋ سۇرالادى», دەدى مەملەكەتتىك ايىپتاۋشى, پروكۋرور ايجان ايماعانوۆا وتىرىس بارىسىندا.
مەملەكەتتىك ايىپتاۋشىنىڭ ايتۋىنشا, بورانباەۆ ءوز جازاسىن ورتاشا قاۋىپسىزدىك قىلمىستىق-اتقارۋ جۇيەسى مەكەمەسىندە وتەۋ قاجەت.
«قايرات بورانباەۆقا قاتىستى قاماۋدا ۇستاۋ تۇرىندەگى بۇلتارتپاۋ شاراسى بۇرىنعىداي قالدىرىلسىن. بورانباەۆتى قاماۋدا ۇستاۋ ۋاقىتى 15 ناۋرىزدان باستاپ ۇكىم زاڭدى كۇشىنە ەنگەن كۇنگە دەيىن 1,5 كۇن باس بوستاندىعىنان ايىرۋ ءۇشىن 1 كۇن ەسەبىنەن جازا مەرزىمىنە ەسەپتەۋدى سۇرايمىن. وعان تيەسىلى جىلجىمايتىن م ۇلىككە جانە اقشالاي قاراجاتقا سالىنعان تىيىم م ۇلىكتى تاركىلەۋگە جانە وعان قاتىستى باسقا قىلمىستىق ءىستى تەرگەۋگە بايلانىستى سول كۇيىندە قالدىرىلسىن», دەپ قوستى پروكۋرور.
ايتا كەتسەك, قىلمىستىق كودەكستىڭ 49-بابىنا سايكەس ق.بورانباەۆقا (ارناۋلى, اسكەري اتاق-دارەجەلەرى, شەنى مەن ديپلوماتيالىق دارەجەسىنەن, بىلىكتىلىگى جانە مەملەكەتتىك اتاقتارىنان ايىرۋ) بەرىلگەن مەملەكەتتىك ناگرادالاردى كەرى قايتارۋ سۇرالدى. ولاردىڭ قاتارىندا «قۇرمەت», «ەرەن ەڭبەگى ءۇشىن», «پاراسات» جانە ءۇشىنشى دارەجەلى بارىس وردەنى بار.