اتىراۋ قالاسىندا حيميا-بيولوگيا باعىتىنداعى نازارباەۆ زياتكەرلىك مەكتەبىنىڭ تۇلەكتەرى جىل سايىن شەتەلدىڭ جەتەكشى ۋنيۆەرسيتەتتەرىنىڭ ءبىلىم گرانتىن يەلەنىپ ءجۇر.
ءبىلىم ورداسىن بيىل بىتىرگەلى وتىرعان وزىق ويلى شاكىرتتەردىڭ اراسىندا ابىلاي امانگەلدى ۇلى مەن پولينا ۆارداشكو دا بار. ەركىن ەلدىڭ ەرتەڭىنە سەنەتىن ورەندەر ساباقتى ۇزدىك وقيدى. ءتۇرلى ءبىلىم بايقاۋىنان جۇلدەلى ورىنداردى يەلەنگەن. ەكەۋى دە بىلىمگە قۇشتارلىقتىڭ العاشقى جەمىسىن كورە باستادى. جاقىندا ابىلاي گەرمانيانىڭ برەمەن قالاسىنداعى Jacobs Bremen University-ءنىڭ Computer Science فاكۋلتەتىندە تەگىن ءبىلىم الۋ گرانتىن يەلەندى.
– ەۋروپاداعى جەتەكشى جوعارى وقۋ ورنىندا ءبىلىم الۋ – ۇلكەن مۇمكىندىك. بالا كەزىمنەن گەرمانيادا وقۋدى ارمانداپ ەدىم. ماقساتىم – IT-سالانىڭ بىلگىر مامانى اتانۋ, – دەيدى ابىلاي.
ال پولينا كانادانىڭ تورونتو ۋنيۆەرسيتەتىندە بيوتەحنولوگيا ماماندىعى بويىنشا تەگىن وقۋعا شاقىرتۋ الىپ وتىر. وعان بۇعان دەيىن گەرمانياداعى Jacobs Unieversity, اقش-تىڭ Drexel University, كاناداداعى Carleton University جانە University of Ottawa سەكىلدى جوعارى وقۋ ورىندارىنان شاقىرتۋ مەن ءبىلىم گرانتتارى كەلگەن.
– بىرنەشە جىلدان بەرى تورونتو ۋنيۆەرسيتەتىنە وقۋعا ءتۇسۋدى ويلاستىرعان ەدىم. بولاشاقتا بيوتەحنولوگيانى جەتىلدىرىپ, فارماتسەۆتيكا يندۋسترياسىن دامىتۋدى كوزدەپ ءجۇرمىن. جوعارى ءبىلىم العان سوڭ ءتۇرلى ۆاكتسينا ويلاپ تاپقىم كەلەدى, – دەيدى پولينا.
اتىراۋ وبلىسى