«ماسس-مەديا تۋرالى زاڭعا» قاتىستى قوعامدىق تالقىلاۋ ناتيجەسىندە قۇجاتتىڭ بىرقاتار بولىمىنە وزگەرىس ەنگىزىلدى. ماسەلەن, زاڭ جوباسىنان «توتەنشە جاعداي كەزىندە جۋرناليستەر وكىلەتتى تۇلعالاردان رۇقسات سۇراۋى كەرەك» دەگەن نۇسقا الىنىپ تاستالدى. بۇل تۋرالى اقپارات جانە قوعامدىق دامۋ مينيسترلىگى باق سالاسىنداعى مەملەكەتتىك ساياسات دەپارتامەنتىنىڭ ديرەكتورى جاسۇلان ومىراليەۆ حابارلادى.
ونلاين فورماتتا وتكەن تالقىلاۋدا جۋرناليست مارتەبەسىن كۇشەيتەتىن ءباسپاسوز كارتاسىن بەرەر كەزدە كوميسسيا قۇرامىندا مينيسترلىك وكىلى بولمايتىنى دا ءمالىم بولدى. ال ءباسپاسوز كارتاسىنا يە بولعان جۋرناليست مەملەكەتتىك ورگاندار ۇيىمداستىرعان ءىس-شارالارعا اككرەديتاتسياسىز وتە الاتىنى ايتىلدى.
– تالقىلاۋ كەزىندە «ەرەكشە جاعدايلارعا» قاتىستى پىكىر ايتۋشىلار كوپ بولدى. جۇمىس توبىمەن بۇل ماسەلەنى تالقىلاعاننان كەيىن زاڭ جوباسىنان «ەرەكشە جاعدايلار» نورماسى الىندى. سونىمەن قاتار زاڭدى تالقىلاعاندا ءباسپاسوز كارتالارى بويىنشا دا پىكىرلەر ايتىلدى. مىسالى, ء«باسپاسوز كارتاسىن بەرەتىن كوميسسيا ۋاكىلەتتى ورگاننىڭ جانىندا بولماۋى كەرەك», «ەتيكا ماسەلەسى زاڭدا بولماۋى كەرەك» جانە ت.ب. وسىنداي كوممەنتاريلەردى ەسكەرە وتىرىپ, زاڭ جوباسىنا وزگەرتۋلەر ەنگىزدىك. ءباسپاسوز كارتاسى تۋرالى 29-باپتا ۋاكىلەتتى ورگاننىڭ جانىنداعى كوميسسيانى جانە ەتيكا ماسەلەسىن دە الىپ تاستادىق, – دەدى اقپارات جانە قوعامدىق دامۋ مينيسترلىگى باق سالاسىنداعى مەملەكەتتىك ساياسات دەپارتامەنتىنىڭ ديرەكتورى.
سونداي-اق جيىن بارىسىندا تەلەارنالار مەن سايتتار جاساعان كونتەنتتىڭ ساتىلۋى تۋرالى ءسوز قوزعالدى. ياعني زاڭ جوباسىنا گرانتتى قارجىلاندىرۋ شەڭبەرىندە وندىرىلگەن ونىمگە ايرىقشا اۆتورلىق جانە ساباقتاس قۇقىقتار باق-قا تيەسىلى دەگەن تەتىك ەنگىزىلمەكشى.
– گرانتتارعا قاتىستى ۇسىنىستاردى زەردەلەپ, ءبارىن جازىپ بەردىك. ونىڭ ەكى ءتۇرى بولادى. قىسقا جانە ۇزاقمەرزىمدى گرانت بەرۋ. ۇزاقمەرزىمدى گرانتتار وتاندىق تەلەسەريالدارعا ارنالعان. سونداي-اق تاعى ءبىر ماڭىزدى ماسەلە زاڭدا ۋاكىلەتتى ورگان اقپاراتقا قول جەتكىزۋ سالاسىنداعى زاڭناماعا سايكەس باق ءۇشىن گرانتتار بەرۋ جانە وتكىزۋ راسىمدەرىنىڭ اشىقتىعىن قامتاماسىز ەتەدى دەلىنگەن. مەملەكەتتىك تاپسىرىسقا قاراعاندا ءبىزدىڭ گرانت بەرۋ تەتىگىمىز اشىق بولادى. ونى زاڭدا ناقتى جازىپ قويدىق. گرانت اياسىندا ارنايى تاۋەلسىز ساراپتاما بولادى, – دەدى جاسۇلان ومىراليەۆ.
جيىن سوڭىندا اقپارات جانە قوعامدىق دامۋ مينيسترلىگى باق سالاسىنداعى مەملەكەتتىك ساياسات دەپارتامەنتىنىڭ ديرەكتورى باق-قا نەگىزدەلگەن زاڭمەن جۇمىستىڭ ماقساتى ءالى تولىق ورىندالماي جاتقانىن تىلگە تيەك ەتتى.
– ەرەجەلەرگە سايكەس «ماسس-مەديا تۋرالى» زاڭ جوباسىنىڭ نۇسقاسىن اشىق پورتالعا ەنگىزىپ, تالقىلاۋ جۇرگىزدىك. ونىڭ ىشىندە كوپتەگەن ەسكەرتۋ بولدى. سونىڭ اياسىندا مەملەكەت باسشىسىنىڭ اتىنا ارىز دا جازىلعان ەدى. ونى دا قاراپ, پىسىقتادىق. ناتيجەسىندە, جاڭا نۇسقاسى دايىندالدى. ەسكەرتۋلەر اياسىندا وزگەرتىلگەن نۇسقانى اشىق پورتالعا تاعى دا ەنگىزەمىز. ءارى قاراي رەگلامەنت بويىنشا جۇمىستار جالعاسادى. مەملەكەتتىك ورگاندارمەن كەلىسىپ, ساراپتامالار جاسالىپ جاتىر. سودان كەيىن زاڭ جوباسى ۇكىمەتكە جولدانادى, – دەدى ول.