بەكتاي اتا ورمانى

جالاعاشتىقتار دا بيىلعى مە­رە­كەدە كەنتتەگى رامىزدەر الا­ڭىن ابات­تاندىرىپ, تەمىربەك جۇر­گە­ن­وۆتىڭ 125 جىلدىعىنا بايلانىس­تى­ قايراتكەر ەسىمىن يەلەنگەن ەل­دى­­ مەكەندەگى اللەياعا 125 كوشەت وتىر­عىزدى.

قىزىلوردا قالاسىندا دا «ناۋ­رىز ناقىشى – تازالىق» ات­تى­ كوركەيتۋ-كوگالداندىرۋ شا­را­سى شەڭبەرىندە زيالى قاۋىم­ وكىل­دە­رى­نىڭ قاتىسۋىمەن كوشەت وتىر­عى­زىلىپ, قالانى اباتتان­دىرۋعا باعىت­تالعان ءىس باستاۋ الدى.

شيەلىلىكتەر كوركەيتۋدىڭ قا­مى­نا اقپاننىڭ سوڭىن الا كىرىسىپ كە­­تىپتى. شيەلى كەنتىنىڭ ىرگەسىنەن وتە­تىن «شىمكەنت-سامارا» كۇرە جو­لى بويىنداعى 3,6 گەكتار اۋماق­قا­ شارۋا قوجالىقتارىنىڭ دە­مەۋ­­شىلىگىمەن 3700-دەن اسا كو­شەت­ ەگىلىپ, 6,4 شاقىرىم اۋماق قور­شالدى. اۋدان ورتالى­عىن­دا­عى ي.ابدىكارىموۆ, ياساۋي كوشە­لە­رى­نىڭ بويىنداعى 7,1 گەكتار جەرگە­ ءون­دىرىس ورىندارى, مەكەمەلەر جۇمىس­شى­لارى مەن تۇرعىندار جۇمىلىپ 9 450 كوشەت وتىرعىزدى.

وسىلايشا, بيىل اۋداندا 24 000­ ءتۇپ­ ەگى­لۋى جوسپارلانعانمەن, نا­ق­­­تى وتىر­­عىزىلعانى 40 مىڭ­نىڭ­ ۇس­تى­­نە شىعادى. كوبىنە سۋ تاپ­شى­لى­­عى­­نان ەگىلگەن شىبىق جەلەككە اي­نال­­ماي جاتىپ قۋراپ قالاتىنى بار. وسى­دان دا اۋداندا جاڭا ەگىل­گەن­ اۋماق­تار ءۇشىن ارىقپەن كەلەتىن اياق­سۋدان بولەك, ارنايى 4 ۇڭعىما قازىلدى.

كوپتىڭ ءىسى كوركەيتۋگە ۇلكەن ۇلەس قوسىپ جۇرگەن جاندار دا جە­تەر­لىك. كوشەت وتىرعىزىپ, كوك­تەم­­نىڭ ءسانىن كىرگىزەتىن سونداي ءسات­تى اسىعا كۇتەتىندەردىڭ ءبىرى – قى­زىل­وردا قالاسىنىڭ تۇرعىنى بەكتاي سۇ­لەي­مەنوۆ اقساقال. بۇل كاسىپتى ون­ ەكى جاسىنان يگەرگەن باعبان وسى­عان دەيىن ورتا ەسەپپەن 2 ملن ءتۇپ اعاش ەگىپتى.

تۇركىستان وبلىسىنداعى شار­دارا وڭىرىندە دۇنيەگە كەلىپ, قازاق اۋىل شارۋاشىلىعى ينستيتۋتىن بى­تىرگەننەن كەيىنگى ەڭبەك جولىن­ اتاقونىسى سىردان باستاعان ول وب­لىستىڭ بىرقاتار اۋدانىندا قىزمەت ەتتى. توقسانىنشى جىل­دارى قىزىلوردا قالاسىنىڭ ىرگە­سى­­نەن جەر الىپ, ءتۇرلى اعاش ەگە باستادى.

«قىزىلوردانىڭ سور توپىراعى­نا ەككەن اعاش ونبەيدى» دەيتىندەر كوپ. بۇل – جاڭساق پىكىر. قازىر باقتا جەمىس اعاشىنىڭ, باسقا تالداردىڭ جيىرمادان استام ءتۇرى بار. ون ءبىر جىل بۇرىن وتىرعىزعان قىلقان جاپىراقتىلار قازىر 5 مەترگە دەيىن ءوستى. ءتىپتى انار اعاشىنان جەمىس الىپ وتىرمىن. تەك ءتاسىلىن ءبىلۋ كەرەك», دەيدى ب.سۇلەيمەنوۆ.

قازىر 4 گەكتار جەرگە 2 مىڭنان استام اعاش وتىرعىزعان باعبان ەككەنىن كادىمگى سورعى قوندىرعىسىمەن-اق­ سۋارىپ وتىر. وسىدان ءبىراز بۇ­رىن شارۋاسىنا قولداۋ ىزدەپ ءتيىس­تى­ ورىنداردى جاعالاعان ەكەن. مۇم­كىندىگى بولسا, سۋبسيديا الىپ, باق­ اۋماعىن كەڭەيتكىسى دە كەلگەن. بىراق­ ء«سىزدىڭ جەرىڭىز سۋ باسۋ قاۋپى جوعا­رى­ اۋماقتا ورنالاسقاندىقتان, قول­داۋ­عا جاتپايدى» دەگەن جاۋاپتان كەيىن ويىنداعىسىنىڭ ورىندالا قويمايتىنىنا كوزى جەتتى. وسى جەرگە العاشقى كوشەت تىككەن 32 جىلدان بەرى ونداي قاۋىپتى بايقاماعان قاريا بارىنەن بۇرىن وسى سوزگە قايران قالادى.

«قازىر جەمىستەردەن الما, المۇرت, سارى ورىك, ءتىپتى انار دا ءوسىرىپ وتىرمىن. بىزدە كوبىنە كوشەتتى سىرتتان تاسىپ, ول جەرگىلىكتى توپىراقتى جەرسىنبەي, ەڭبەكتى ەش ەتىپ جاتادى. جەرگىلىكتى جەردەن قولداۋ بولسا, سىر توپىراعىنا بەيىم جەمىس اعاشتارى مەن تالدار ەگىلگەن اۋماقتى ۇلعايتا تۇسەر ەدىم», دەيدى قارت باعبان.

كوكتەم ءسانى – كوشەت. ءار اۋلادا قورشاعان ورتانى كوركەيتۋدىڭ قارەكەتى بايقالادى.

قىزىلوردا