ەل ەرتەڭىنە سەنىمدى

تاڭعى ساعات ونعا دەيىن سايلاۋ­شىلاردىڭ 15,1 پايىزى داۋىس بەرىپ ۇلگەردى. بەلسەندىلىك ءبىرشاما جوعارى. وبلىس ورتالىعى مەن شال­عايداعى شاعىن اۋىلداردا بەل­سەندىلىك تانىتۋدا. ايتالىق, ءبىر­جان سال اۋدانىنداعى 31 سايلاۋ ۋچاسكەسىندە 9 465 سايلاۋشى تىركەل­گەن بولسا, ساعات ونعا دەيىن 3 124 ادام ءوز تاڭداۋىن جاساپ ۇلگەردى.

– سايلاۋشىلاردىڭ بەلسەن­دىلىگى ءبىرشاما جوعارى. دەمالىس كۇن بولعاندىقتان اسىقپاي كەلىپ جاتقاندار دا بار. ساياسي پارتيالار مەن قوعامدىق بىرلەستىكتەردىڭ بايقاۋشىلارى سايلاۋ بارىسىن قاداعالاپ وتىر, – دەيدى اۋداندىق ىشكى ساياسات ءبولىمىنىڭ جەتەكشىسى ميرگۇل اياعانوۆا.

ەل ازاماتتارىنىڭ ءوز سايلاۋ ۋچاسكەلەرىنە بارىپ, داۋىس بەرۋلەرىنە بارلىق جاعداي تۋعىزىلعان. ناقتىراق ايتساق, قالالىق جانە اۋداندىق اۆتوبۋس باعىتتارى ءوڭىردىڭ بارلىق ەلدى مەكەندەرىن قامتيدى. ءتىپتى, استانا قالاسىنىڭ ماڭىنداعى ەلدى مەكەندەردە جول ءجۇرۋ تەگىن.

قيانداعى قورعالجىن اۋدانىندا دا ايماق تۇرعىندارى سايا­سي بەلسەندىلىك تانىتتى. بۇل اۋدان­دا ۇيىمداستىرىلعان 17 سايلاۋ ۋچاسكەسىنە 5 216 سايلاۋشى تىركەلگەن. قورعالجىن اۋداندىق ءماسليحاتىنا 28 ۇمىتكەر بار. سايلاۋ بارىسىن «Amanat» پارتياسى مەن «داۋىس» قوعامدىق بايقاۋشىلارى كواليتسياسى باقى­لادى. بۇل اۋداندا ساعات 11-گە دەيىن سايلاۋشىلاردىڭ 1 176-سى نەمەسە 22,5 پايىزى داۋىس بەرىپ ۇلگەردى.

– ۇمىتكەرلەردىڭ سەنىمدى وكىل­دەرى دە قاتىسىپ جاتىر. جا­ۋاپ­تى ناۋقان ۇيىمشىلدىقپەن وتكىزىلىپ جاتىر, – دەيدى اۋداندىق ىشكى ساياسات جانە تىلدەردى دامىتۋ ءبولىمىنىڭ باسشىسى گۇلنار سىزدىقوۆا.

وبلىس ورتالىعىندا دا سايا­سي ناۋقان بارىسىندا جالپاق جۇرتتىڭ ەل ەرتەڭىنە زور سەنىممەن قارايتىنىن اڭعارۋعا بولادى.

اقمولا وبلىسى