داۋلەت اۋىلدىق وكرۋگىندە ورنالاسقان №213 سايلاۋ ۋچاسكەسىندە تەمىرجولشى يسمايل ۇزاقباەۆ ءوز تاڭداۋىن جاسادى. يسمايل ۇزاقباەۆ تەمىرجول جۇيەسىندە 15 جىل بويى ادال قىزمەت اتقارىپ كەلەدى. بۇگىنگى كۇنى ول «قازاقستان تەمىر جولى» ۇك» اق-نىڭ «جول دياگنوستيكالىق ورتالىعى» فيليالىنىڭ ماڭعىستاۋ ستانتسياسىنىڭ اقاۋتاپقىش تسەحىنىڭ شەبەرى بولىپ جۇمىس ىستەيدى, دەپ حابارلايلى Egemen.kz.
«سايلاۋ ۋچاسكەسىنە ەرتە كەلىپ, ءوز تاڭداۋىمدى جاسادىم. وسىنداي شەشۋشى ساتتەن قالىس قالماي ساياسي ناۋقانعا قاتىسۋعا ءتيىستىمىز. ويتكەنى تەمىرجول سالاسى – ەل ەكونوميكاسىنا ولشەۋسىز ۇلەس قوسىپ كەلە جاتقان سالانىڭ ءبىرى ەكەنى ايتپاسا دا تۇسىنىكتى. ون مىڭداعان قازاقستاندىق ءوز ساپارلارىن وسى تەمىر جول ارقىلى جاسايدى. سوندىقتان تەمىرجولشىلار ساياسي ناۋقاننان تىس قالمايدى جانە بالالارىمىزدىڭ بولاشاعى جارقىن بولسىن دەگەن نيەتپەن دە تاڭداۋ جاسادىم. ارىپتەستەرىم دە ءبىراۋىزدان سايلاۋعا داۋىس بەرۋگە كەلىپ جاتىر», دەدى يسمايل بەگەنباي ۇلى.
ايتا كەتەيىك, يسمايل ۇزاقباەۆ داۋلەت اۋىلىندا تۇرادى. باقىتىن ادال ەڭبەكپەن تاپقان كوپكە ۇلگىلى اكە. ول جارى شىنارايمەن بىرگە 2 ۇل, 3 قىز تاربيەلەپ وتىرعان كوپبالالى وتباسى.