پارلامەنت سەناتىنىڭ توراعاسى ماۋلەن اشىمباەۆ سايلاۋدا داۋىس بەردى, دەپ حابارلايدى Egemen.kz.
سەنات سپيكەرى استانا قالاسىنداعى ۇلتتىق اكادەميالىق كىتاپحانادا ورنالاسقان №111 سايلاۋ ۋچاسكەسىندە ءوز تاڭداۋىن جاسادى.
اتالعان سايلاۋ ۋچاسكەسى جۇمىسىن تاڭعى ساعات 07:00-دە باستادى جانە وندا 2744 داۋىس بەرۋشى تىركەلگەن.
ايتا كەتسەك, ورتالىق سايلاۋ كوميسسياسىنىڭ مالىمەتى بويىنشا, بۇل كۇنى 12 ملن-عا جۋىق ازامات تاڭداۋ جاسايدى.
بۇعان دەيىن اتالعان سايلاۋ ۋچاسكەسىندە پرەمەر-مينيستر ءاليحان سمايىلوۆ داۋىس بەرگەن ەدى.
ودان بولەك, مەملەكەتتىك كەڭەسشى ەرلان قارين دە №111 سايلاۋ ۋچاسكەسىندە وز تاڭداۋىن جاسادى.