بايدەننىڭ الياسكادا مۇناي وندىرۋگە رۇقسات بەرۋ تۋرالى شەشىمى ەكولوگتاردىڭ نارازىلىعىن تۋدىردى, دەپ حابارلايدى Egemen.kz.
بىرنەشە ەكولوگيالىق ۇيىم بايدەن اكىمشىلىگىنىڭ الياسكانىڭ سولتۇستىك-باتىسىندا جۇزەگە اسىرىلاتىن Willow oil جوباسىن ماقۇلداۋ تۋرالى شەشىمىنە قارسى شاعىم ءتۇسىردى.
ەسەپتەۋلەرگە سايكەس, مۇناي ءوندىرۋ شامامەن 600 ميلليون باررەلدى قۇرايدى, ال پارنيكتىك گازدار شىعارىندىلارى جىلىنا 280 ميلليون توننانى قۇرايدى.
ۇيىم وكىلدەرى جوسپارلانعان قۇرىلىس سۋدىڭ, اۋانىڭ ساپاسىنا, سونداي-اق ايماقتاعى ادامدار مەن جانۋارلاردىڭ ومىرىنە كەرى اسەر ەتەتىنىن العا تارتىپ وتىر.
ەكو-بەلسەندىلەر مۇنداي جوبانى ماقۇلداۋ ءتورت ەكولوگيالىق زاڭدى بۇزاتىنىن اتاپ ءوتتى.