يزرايل - سىرتقى كەلبەتى مەن مادەنيەتى جاعىنان باسقالارعا ۇقسامايتىن ەرەكشە ەل. دەسە دە تۋريستەرگە تۇسىنىكتى بولا بەرمەيتىن ەرەكشە ەرەجەلەرى دە بار. سوندىقتان كوپتەگەن ادامدار ءۇشىن بۇل ەلدەگى ءومىر قيىنعا سوعۋى مۇمكىن, دەپ حابارلايدى Egemen.kz.
يزرايلدە جۇمىس اپتاسى جەكسەنبى كۇنى باستالادى. دەمالىس كۇندەرى — جۇما جانە سەنبى. بىراق جەرگىلىكتى تۇرعىندار جۇما كۇنى ساعات 14:00-دە جۇمىسىن توقتاتىپ, سەنبى كۇنى ساعات 18:00-دەن كەيىن قايتا جالعاستىرادى.
يزرايلدە دەمالىس كۇندەرى «شاببات» دەپ اتالادى, ول تاۋراتتىڭ قاسيەتتى ەۆرەي كىتابىنىڭ ەرەجەلەرىمەن رەتتەلەدى. وعان سايكەس, ەۆرەيلەرگە جۇما جانە سەنبى كۇندەرى جۇمىس ىستەۋگە تىيىم سالىنادى.
شابباتتا بارلىق مەكەمەلەر جابىلىپ, قوعامدىق كولىكتەر جۇمىسىن توقتاتادى. تەك اەروپورت, مەديتسينالىق قىزمەت كورسەتۋ ورتالىقتارى مەن توتەنشە جاعداي قىزمەتكەرلەرى جۇمىس ىستەۋى مۇمكىن.
تاعى ءبىر قىزىق ءجايت - يزرايل كومپانيالارىنداعى قىزمەتكەرلەر كەز كەلگەن ۋاقىتتا ءۇزىلىس جاساي الادى. سونىمەن قاتار يزرايلدە تاماقتىڭ ءبىر ادامعا ارناپ سالاتىن مولشەرى وتە ۇلكەن. ەۆرەيلەر دايىندايتىن تاعامداردىڭ كالورياسى جوعارى, ويتكەنى ونىڭ قۇرامىندا كومىرسۋلار كوپ.
يزرايلدە ءاربىر مەرەكە ەرەكشە تۇردە تويلانادى. بىرىنشىدەن, بارلىق قىزمەتتەر مەن دۇكەندەر جۇمىسىن توقتاتادى. ەكىنشىدەن, ءار مەرەكەدە تاعام تۇرلەرىنە, كيىم ۇلگىسىنە قاتىستى بەلگىلى ءبىر ەرەجەلەر ساقتالادى.
ەلدەگى ەڭ ماڭىزدى ءارى جارقىن مەرەكەلەردىڭ ءبىرى — پۋريم. ءبىر اپتا بويى تويلاناتىن بۇل مەرەكە كەزىندە تۇتاس ەل ۇلكەن كارناۆالعا اينالادى. بالالار مەكتەپكە كوستيۋم كيەدى, ال ەرەسەكتەر جۇمىسقا جاتاردا كيەتىن كيىمىمەن بارادى.