ءبىلىم ءمينيسترى عاني بەيسەمباەۆ مەكتەپ ديرەكتورلارى, ورىنباسارلارى مەن باسقا دا مەكتەپ قىزمەتكەرلەرىنىڭ جالاقىسىن كوتەرۋ تۋرالى ۋادەلەر ورىندالماي جاتىر دەگەن شاعىمدارعا جاۋاپ بەردى, دەپ حابارلايدى Egemen.kz.
عاني بەيسەمباەۆ مەملەكەت باسشىسى ۋادە ەتكەن مۇعالىمدەردىڭ جالاقىسىن كوتەرۋ تولىعىمەن ورىندالعانىن باسا ايتتى. مۇعالىمدەردىڭ جالاقىسى جىل سايىن 25 پايىزعا وسەدى. بيىل دا جالاقى كولەمى 25 پايىزعا ۇلعايعان.
«قازىر ءبىلىم بەرۋ ۇيىمدارىنىڭ باسشىلارىن قولداۋ ماقساتىندا كوتەرىلگەن ماسەلەنى قاراستىرىپ جاتىرمىز. بۇل باعىتتاعى جۇمىستار جالعاسىپ كەلەدى. بۇل وڭاي ەمەس, بارلىق ارتىقشىلىقتار مەن كەمشىلىكتەردى ەسەپتەۋ كەرەك. مەكتەپ ديرەكتورلارى, ورىنباسارلارى مەن باسقا دا قىزمەتكەرلەردىڭ جالاقىسىن كوتەرۋ قولداۋ تابادى دەپ سەنەمىن», دەدى مينيستر پارلامەنتى سەناتىنىڭ وتىرىسىندا.