قازاقستاننىڭ ەڭبەك سىڭىرگەن قايراتكەرى, «جاستار» تەاترىنىڭ ديرەكتورى, كينو جانە تەاتر اكتەرى ءادىل احمەتوۆ قازاقستاندىقتاردى سايلاۋعا قاتىسىپ, داۋىس بەرۋگە شاقىردى, دەپ حابارلايدى Egemen.kz.
ءادىل احمەتوۆ بۇل جولعى سايلاۋعا حالقىنا شىن جاناشىر ازاماتتاردىڭ قاتىسىپ جاتقانىن اتاپ ءوتتى.
«بارشاڭىزعا ءمالىم 19 ناۋرىز كۇنى ەلىمىزدە ۇلكەن ناۋقان - سايلاۋ وتپەكشى. وسى ورايدا بارشاڭىزدى سايلاۋعا قاتىسىپ, ءوز داۋىستارىڭىزدى بەرۋلەرىڭىزدى سۇرايمىن. ارينە, بولاشاق ارقايسىمىزدىڭ قولىمىزدا. نەمقۇرايدى قاراماي, ءوز تاڭداۋىمىزدى جاسايىق! بۇل سايلاۋعا كوپتەگەن ەت جۇرەگى ەلىم دەپ سوعاتىن, حالقىنىڭ قامىن ويلايتىن ازاماتتار قاتىسىپ جاتىر. سولاردى قولداڭىزدار, داۋىستارىڭىزدى بەرىڭىزدەر!» دەدى ول.