اقتاۋ. 26 ماۋسىم. ماڭعىستاۋ وبلىسىنىڭ مۇنايلى اۋدانىندا ءبىلىم بەرۋ نىساندارىنىڭ قۇرىلىسىنا بولىنگەن ميلليونداعان قارجى جوق بولىپ شىقتى. بۇل تۋرالى egemen.kz ءتىلشىسى حابارلادى.
اتالعان جاعداياتقا بايلانىستى قارجى پوليتسياسى اۋداندىق ساۋلەت جانە قۇرىلىس ءبولىمىنىڭ باسشىسى مەن بىرقاتار قىزمەتكەردىڭ جانە جەكە سەرىكتەستىك وكىلدەرىنىڭ ۇستىنەن قىلمىستىق ءىس قوزعادى.
كۇدىكتىلەر ءىس جۇزىندە اتقارىلماعان جۇمىستاردى «ورىندالدى» دەپ, ەل قازىناسىنان بولىنگەن 38 ميلليون تەڭگەنى جىمقىرعان. دالىرەگى, باسقۇدىق اۋىلىنداعى مەكتەپتى سالۋعا قوماقتى قارجى بولىنگەنىمەن, ونىڭ بارلىعى ءوز ماقساتىنا جۇمسالماعان.
وبلىستىق قارجى پوليتسياسىنىڭ ءباسپاسوز حاتشىسى نۇرگۇل مۇقاتاي: «قازىر سەنىپ تاپسىرىلعان بيۋدجەت قارجىسىن تالان-تاراجعا سالدى دەگەن شەنەۋنىكتەردىڭ ۇستىنەن قىلمىستىق كودەكستىڭ 176-بابى 3-تارماعى بويىنشا ءىس قوزعالىپ, تەرگەۋ امالدارى باستالدى», – دەدى.
گۇلايىم شىنتەمىرقىزى.
دەرەككوز: egemen.kz.
فوتو: «24kz».