ماحامبەت اۋدانىندا اقجايىق اتالاتىن اۋىلدىق وكرۋگ بار. جايىق وزەنىنىڭ جاعاسىنداعى اۋىل تۇرعىندارى نەگىزىنەن ءتورت ت ۇلىك ءوسىرىپ, ەگىن ەگەدى. بىلتىر مۇندا جىلىجاي كەشەنىنىڭ قۇرىلىسى باستالعان ەدى.
جاڭا جىلىجايدىڭ اۋماعى – 4 گەكتار. «جۇماعاليەۆا ن.م» شارۋا قوجالىعى ىسكە اسىرعان جوبانىڭ جالپى قۇنى 3 ملرد تەڭگەدەن استام قارجىنى قۇرايدى. جاقىندا ءۇش بلوكتان تۇراتىن جىلىجاي كەشەنىنىڭ ءبىرىنشى كەزەڭى ىسكە قوسىلدى. جىلىجايدان جىلىنا 1 600 توننا ءونىم جينالادى.
«اتىراۋ وبلىسىندا بۇرىن-سوڭدى بولماعان جىلىجاي كەشەنى اشىلدى. بۇل جوبا مەملەكەت باسشىسى قاسىم-جومارت توقاەۆتىڭ شاعىن جانە ورتا بيزنەستى قولداۋ تۋرالى تاپسىرماسى اياسىندا قولعا الىنعان ەدى. ەڭ باستى ماقسات – ازىق-ت ۇلىك قاۋىپسىزدىگىن قامتاماسىز ەتۋ», دەيدى وبلىس اكىمى سەرىك شاپكەنوۆ.
شارۋا قوجالىعى جەتەكشىسىنىڭ ايتۋىنشا, جىلىجاي كەشەنىندە 60-تان استام ادام جۇمىس ىستەيدى. ونىڭ 40-تان استامى – جەرگىلىكتى تۇرعىندار. ولار جىلىجايدان جىلىنا 900 توننا قىزاناق, 700 توننا قيار جيناۋدى كوزدەپ وتىر. ءونىمنىڭ ەكەۋى دە گوللانديالىق سورتتان وسىرىلەدى. ماسەلەن, قىزاناقتىڭ «Merlice» دەپ اتالاتىن ءتۇرى تاۋلىگىنە 6 توننا, قياردىڭ «Golden» سورتى تاۋلىگىنە 7 توننا ءونىم بەرەدى ەكەن. توعىز ايدا ءار وسكىننەن تاۋلىگىنە 18 كيلو ءونىم الۋعا بولادى.
جىل بويى كوكونىس وسىرىلەتىن جىلىجاي كەشەنىنىڭ جۇمىسى تولىق اۆتوماتتاندىرىلعان. مۇندا تامشىلاتىپ سۋارۋ ءادىسى قولدانىلادى. ءتىپتى اتالعان ءادىس ارقىلى تىڭايتقىش ەرىتىندى تۇرىندە بەرىلەدى. ەندى شارۋا قوجالىعىنىڭ جەتەكشىسى جىلىجاي كەشەنىنىڭ اۋماعىن 16 گەكتارعا ۇلعايتىپ, ءۇي جانۋارلارىن, قۇس پەن بالىق تۇرلەرىن ءوسىرۋدى جوسپارلاپ وتىر.
اتىراۋ وبلىسى