ميلان مەن كورتينا-د'امپەتستسو قالالارىندا وتەتىن 2026 جىلعى قىسقى وليمپيادا ويىندارىنىڭ بويتۇمارى اق جانە قوڭىر ءتۇستى دۋلىعالى اقكىس (اق تىشقان) بولماق, دەپ حابارلايدى Egemen.kz.
جوعارى كورسەتىلگەن سۋرەتتى يتاليانىڭ كاتانزارو پروۆينتسياسىندا تۇراتىن مەكتەپ وقۋشىلارى سالعان. اقكىستىڭ ءبىرى اق بولسا, ەكىنشىسى قوڭىر ءتۇستى. ايتا كەتسەك, وليمپيادانىڭ بويتۇمارلارى جالپىحالىقتىق داۋىس بەرۋ ارقىلى تاڭدالدى, قاتىسۋشىلاردىڭ 53%-ى تىشقاندارعا داۋىس بەرگەن.
Inside the Games باسىلىمى ناقتىلاعانداي, ەكىنشى ورىن ەدەلۆەيس گ ۇلىنە بۇيىردى.
كونكۋرسقا يتاليانىڭ 81 پروۆينتسياسىنان 681 سىنىپ پەن 82 مەكتەپتەن بارلىعى 1600 ءوتىنىم بەرىلدى. يتالياندىق ستۋدەنتتەر وليمپيادا مەن پاراليمپياداعا ەكى كەيىپكەردىڭ كەسكىنىن ۇسىنعان.
ميلان مەن كورتينا-د'امپەتستسوداعى وليمپيادا ويىندارى 2026 جىلدىڭ 6-22 اقپانى ارالىعىندا وتەدى دەپ جوسپارلانعان. ال پاراليمپيادا ويىندارى 6-15 ناۋرىز ارالىعىندا وتەدى.