[caption id="attachment_30996" align="alignleft" width="560"] سۇلتانوۆ رۋسلان سەرىك ۇلىقازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ مينيسترلىگى جانىنداعى «ساۋدا ساياساتىن دامىتۋ ورتالىعى» اق باس ديرەكتورى[/caption]
جۋرناليستەر كۇنى قارساڭىڭدا قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ مينيسترلىگى جانىنداعى «ساۋدا ساياساتىن دامىتۋ ورتالىعى» اق باس ديرەكتورى سۇلتانوۆ رۋسلان سەرىك ۇلى ءبىر توپ جۋرناليستەر جانە بلوگشىلارمەن بەيرەسمي كەزدەسۋ وتكىزىپ ەۋرازيالىق ەكونوميكالىق وداقتىڭ قازىرگى جاي-كۇيىمەن تانىستىرىپ, كوكەيدە جۇرگەن سۇراقتارعا جاۋاپ بەردى.
كەزدەسۋ بارىسىندا العاشىندا قازاقستاندىقتاردىڭ ەۋرازيالىق ەكونوميكالىق وداعىنا كۇمانمەن قاراپ, ساياسي تۇرعىدان باعامداعانىن اتاپ ءوتتى. "رەسەي بۇرىنعى كەڭەستىك وداقتى قايتا قۇرۋدا", "قازاقستان ەكونوميكالىق جاعىنان قاۋقارسىز", "قازاقستاندا ونشالىقتى بيزنەس الەۋەتى دامىماعان" دەگەن سەكىلدى پىكىرلەر بەلەڭ العانىن, بۇل پىكىرلەردىڭ ءبارى نەگىزسىز ەكەنىن ايتا كەلىپ: "وزدەرىڭىز بىلەتىندەي, ەەو زاڭنامالىق قۇجاتتامالارى حالىق تالقىسىنا الدىن-الا سالىنىپ, سونان سوڭ عانا قول قويىلدى. ال جوعارىدا ايتىلعان قاۋەسەتتەر اقتالمادى دەۋگە ءبىزدىڭ ءتىپتى قازىرگى ۋاقىتتا نەگىزىمىز بار",-دەگەن پىكىر بىلدىرە وتىرىپ: "بىزدىڭ سول قاۋەسەتتەگىدەي بىرىڭعاي پارلامەنتىمىز, ۆاليۋتامىز بولۋى مۇمكىن ەمەستىگىن, بۇل تەك قانا ەكونوميكالىق وداق ەكەنىن ۋاقىت كورسەتىپ وتىر. ءبىزدى ەگەمەندىگىمىزدەن, تاۋەلسىزدىگىمىزدەن ايىراتىن ەشتەڭە جوق. ەۋرازيالىق ەكونوميكالىق وداق دەگەنىمىز نە؟ ول جاي عانا 1017 بەتتىك كەلىسىم اكتىلەرى, شەشىمدەر مەن نورمالار جيىنتىعى ەمەس, بۇل ەكونوميكامىزعا تىڭ سەرپىن بەرەتىن جوبا. وسى جوبا ءوز دارەجەسىندە ورىندالسا ءبىزدىڭ ەلىمىز شيكىزاتتىق ەل ەمەس, دامىعان, ەكونوميكاسى مىقتى مەملەكەتكە اينالادى. جوبا مودەرنيزاتسيالىق ەكونوميكانى قۇرۋعا قول جەتكىزۋ ءۇشىن جاسالعان قۇرال رەتىندە قاراستىرىلادى. بۇل – دالەلدى تالاپ ەتپەيتىن ايقىن زاتتار. كەلەسى ماسەلە - كادر ماسەلەسى. مۇنداي اۋقىمدى جوبالارمەن باسەكەگە قابىلەتتى كاسىپقوي ماماندار اينالىسۋى ءتيىس",-دەدى.
سونىمەن قاتار بۇل جوبامەن تەك ارنايى ماماندار ەمەس, ول اكىم-قارا بولسىن, ول مەكتەپتى جاڭا بىتىرگەن جاس بولسىن ەلىمىزدىڭ كەز-كەلگەن ازاماتى اينالىسۋى ءتيىس. بيزنەسمەن ماسەلەن, ءبىر ءوندىرىستى قولعا السا, بۇرىنعىداي 15-17 ملن-دىق تۇتىنۋشىلارعا ەمەس, 170 ملن-دىق تۇتىنۋشىعا ارناپ تاۋار ءوندىرۋدى جوسپارلاۋ قاجەت ەكەنىن باسا ايتتى.
سوڭىرا باق وكىلدەرىن كاسىبي مەرەكەلەرىمەن قۇتتىقتاي كەلە: ""مەن, ماسەلەن, ءبىزدىڭ باق رەسەيلىك نەمەسە باتىستىق ارىپتەستەرىنەن ءوز ءىسىن كەم بىلەدى دەپ ەسەپتەمەيمىن. ءوز تاجىريبەمنەن بىلەمىن. ەۋرازيالىق ەكونوميكالىق وداق تاقىرىبىنا رەسەيلىك باق وكىلدەرى ناقتى فاكتتەرمەن نەمەسە جاۋاپتى قىزمەتكەرلەردىڭ پىكىرىن تىڭداماي ءوز ويلارىمەن عانا ءبولىسىپ, حالىق اراسىندا پىكىر قايشىلىعىن تۋدىرىپ وتىرسا, ءبىزدىڭ باق وكىلدەرىمىز ناقتى فاكتتەرمەن جۇمىس ىستەپ, حالىققا شىنايى اقپارات تاراتىپ وتىردى. وز وقىرماندارىنا ەۋرازيالىق ۇدەرىستىڭ بارلىق ارتىقشىلىقتارىن جانە قيىندىقتارىن انىق جەتكىزە ءبىلدى",-دەدى.