ءبىلىم بەرۋ ۇيىمدارىندا قاۋىپسىزدىكتى قامتاماسىز ەتۋ جونىندەگى شارالار پرەمەر-مينيستر ءاليحان سمايىلوۆتىڭ توراعالىعىمەن وتكەن ۇكىمەت وتىرىسىندا قارالدى, دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.
وقۋ-اعارتۋ ءمينيسترى عاني بەيسەمباەۆ 2020 جىلمەن سالىستىرعاندا رەسپۋبليكادا بەينەباقىلاۋ جۇيەلەرىمەن قامتاماسىز ەتىلگەن ءبىلىم بەرۋ ۇيىمدارىنىڭ سانى 2,5 ەسەگە, ليتسەنزيالانعان كۇزەتى 7 ەسەگە جانە 21 ەسەگە, ەسكەرتۋ تۇيمەلەرى ارتقانى تۋرالى باياندادى. بۇگىنگى تاڭدا وسى باعىتتارداعى جۇمىس جالعاسىپ جاتىر.
سونىمەن قاتار بالالاردىڭ قاۋىپسىزدىك جۇيەسىن جەتىلدىرۋ ءۇشىن ءبىلىم بەرۋ ۇيىمدارىنداعى ءبىرىنشى باسشىلاردىڭ دەربەس جاۋاپكەرشىلىگىن كۇشەيتۋ, ولارداعى باقىلاۋ-وتكىزۋ رەجيمىنىڭ ءتارتىبىن ايقىنداۋ, داعدارىس جاعدايىندا قاۋىپسىز مىنەز-ق ۇلىق داعدىلارىن قالىپتاستىرۋعا باسا نازار اۋدارا وتىرىپ, تاربيە جۇمىسىن قايتا فورماتتاۋ جانە پەداگوگتاردى دايارلاۋ مەن قايتا دايارلاۋ باعدارلاماسىنا جاڭا تاقىرىپتىق ءمودۋلدى ەنگىزۋ جوسپارلانعان.
ىشكى ىستەر ءمينيسترى مارات احمەتجانوۆ اتاپ وتكەندەي, ەلىمىزدە ءبىلىم بەرۋ وبەكتىلەرىن تەرروريزمگە قارسى قورعاۋ جونىندەگى نۇسقاۋلىق بەكىتىلگەن. ونىڭ شەڭبەرىندە 300-گە دەيىن وقۋشىسى بار مەكەمەلەردە بەينەباقىلاۋ جانە قۇلاقتاندىرۋ جۇيەلەرى بولۋى ءتيىس, ال 700 ادامعا دەيىنگى وبەكتىلەردە – بەينەباقىلاۋلاردى جەدەل باسقارۋ ورتالىقتارىنا (جبو) قوسۋ جانە دابىل تۇيمەلەرىن ورناتۋ, 700-دەن استام ادامى بار جانە وبلىس ورتالىقتارىنىڭ بارلىق مەكتەپتەرىندە تۋرنيكەتتەر مەن قوسىمشا ليتسەنزيالانعان كۇزەتپەن شارت بولۋى ءتيىس. بۇگىنگى تاڭدا قر تجم-مەن بىرلەسىپ بارلىق ءبىلىم بەرۋ ۇيىمدارىنا كەشەندى تەكسەرۋ جۇرگىزىلۋدە.
وڭىرلەردە جۇزەگە اسىرىلىپ جاتقان شارالار تۋرالى سولتۇستىك قازاقستان وبلىسىنىڭ اكىمى ايداربەك ساپاروۆ, اقتوبە وبلىسىنىڭ اكىمى ەرالى توعجانوۆ جانە اباي وبلىسىنىڭ اكىمى نۇرلان ۋرانحاەۆ بايانداما جاسادى.
پرەمەر-مينيستر بايانداماشىلاردى تىڭداپ, بالالاردىڭ قاۋىپسىزدىگىن قامتاماسىز ەتۋ ماسەلەسى – مەملەكەتتىڭ اسا ماڭىزدى مىندەتتەرىنىڭ ءبىرى ەكەنىن اتاپ ءوتتى.
«اتا-انا مەكتەپتەگى بالاسىنىڭ جاعدايى مەن قاۋىپسىزدىگى ءۇشىن الاڭداماۋى قاجەت», دەدى ءاليحان سمايىلوۆ.
ونىڭ ايتۋىنشا, بۇل باعىتتا نورماتيۆتىك تە, ۇيىمداستىرۋ جاعىنان دا بارلىق دەڭگەيدە جۇيەلى شارالار قابىلدانىپ جاتىر. مەملەكەت باسشىسىنىڭ تاپسىرماسىنا سايكەس بالالاردى قورعاۋ جونىندەگى كەشەندى جوسپاردىڭ جوباسى ازىرلەندى. ءبىلىم بەرۋ ۇيىمدارىن دابىل كنوپكالارىمەن جانە بەينەباقىلاۋ جۇيەلەرىمەن جابدىقتاۋعا, ولاردى پوليتسيا بولىمشەلەرىنە قوسۋعا, ليتسەنزيالانعان كۇزەتپەن قامتاماسىز ەتۋگە قويىلاتىن تالاپتار كۇشەيتىلدى.
ء«بىلىم بەرۋ ۇيىمدارىندا قاۋىپسىزدىك تالاپتارىنىڭ ساقتالۋىنا تۇراقتى تۇردە مونيتورينگ جۇرگىزىلۋى ءتيىس», دەدى پرەمەر-مينيستر.
سونىمەن قاتار اتقارىلعان شارالارعا قاراماستان, وڭىرلەردە پروبلەمالار ءالى دە جەتكىلىكتى. بەينەباقىلاۋ ورناتىلعان مەكتەپتەردىڭ اراسىندا كامەرالارى ستاندارتتار مەن تەحنيكالىق تالاپتارعا سايكەس كەلمەيتىن مەكتەپتەر دە بار. ەلىمىزدەگى 1100-گە جۋىق مەكتەپ پوليتسيانىڭ جەدەل باسقارۋ ورتالىقتارىنا قوسىلماعان. باقىلاۋ رەجيمى قاتاڭ ساقتالمايدى.
«تۇركىستان جانە سولتۇستىك قازاقستان وبلىستارىنداعى مەكتەپتەردە ليتسەنزيالانعان كۇزەت قىزمەتتەرىمەن كەلىسىمدەر جاسالماعان. كۇزەتكە كوبىنەسە ارنايى دايارلىقتان وتپەگەن ادامدار تارتىلادى. وسى ماسەلەلەردىڭ بارلىعىن دەرەۋ شەشۋ كەرەك. ويتكەنى بۇل – بالالارىمىزدىڭ قاۋىپسىزدىگى», دەپ اتاپ ءوتتى ءاليحان سمايىلوۆ.
وسىعان بايلانىستى ۇكىمەت باسشىسى وسى جىلدىڭ 1-ءشى ساۋىرىنە دەيىن مەكتەپتەردى ءتيىستى قاۋىپسىزدىك جۇيەلەرىمەن جابدىقتاۋ جۇمىستارىن اياقتاۋى قاجەتتىگىن ايتتى.
«بۇل پوليتسيانىڭ جەدەل باسقارۋ ورتالىقتارىنا شىعاتىن بەينەباقىلاۋعا, مامانداندىرىلعان كۇزەتپەن جانە دابىل كنوپكالارىمەن قامتاماسىز ەتۋگە قاتىستى», دەپ اتاپ ءوتتى ۇكىمەت باسشىسى.
سونىمەن قاتار پرەمەر-مينيستر ءۇش كۇن مەرزىمدە ۇكىمەتكە بالالاردى قورعاۋ جونىندەگى كەشەندى جوسپاردىڭ پىسىقتالعان جوباسىن ەنگىزۋدى تاپسىردى, وعان ۋاكىلەتتى ورگانداردىڭ ۆەدومستۆوارالىق ءوزارا ءىس-قيمىل الگوريتىمىن جەتىلدىرۋ جونىندەگى ءىس-شارالار كىرۋى ءتيىس.