استاناداعى Beeline Arena ۇلتتىق تەننيس ورتالىعىندا ITF World Tennis Tour BeeTV 40 Women's سەرياسى ءتۋرنيرىنىڭ جۇپتىق رازريادتا ويىنى اياقتالدى, دەپ حابارلايدى Egemen.kz ۇوك ءباسپاسوز قىزمەتىنە سىلتەمە جاساپ.
فينالدا جارىستىڭ كىل مىقتى ءبىرىنشى جانە ەكىنشى دۋەتى باس قوستى. قازاقستاندىق اننا دانيلينا مەن يرينا شيمانوۆيچ (بەلارۋس) ءۇش سەتتە تاماشا ماتچ كورسەتە الدى. ولار وڭتۇستىك كورەيادان كەلگەن نا لە حان/سۋ دجون چاندى 6:4, 6:7 (8:10), 10:7 جەڭدى.
«دراما ەلەمەنتتەرىمەن قيۋلاسقان قيىن ماتچ بولدى. بىراق ەگەر فينالدا دراما شىم-شىتىرىق بولماعاندا, ونى كورۋ قىزىقتى بولماس ەدى. مەن بۇعان دەيىن وسى جۇپقا قارسى ويناعان ەدىم, وندا دا فينالدا شەشۋشى تاي-برەيكتە جەڭىسكە جەتكەنبىز. مەن ولاردىڭ جاقسى دەڭگەيدە وينايتىنىن جانە قيىن ماتچ بولاتىنىن ءبىلدىم, سوڭىنا دەيىن كۇرەسۋ كەرەك ەكەنىن ۇعىندىم. ارينە, مەن سابىرلى تۇردە جەڭگىم كەلدى, سۋپەر تاي-برەيككە جەتكىزگىم كەلمەدى. سوندىقتان سوڭعى ناتيجە ءبىزدىڭ پايدامىزعا شەشىلگەنىنە وتە قۋانىشتىمىن. ۇيدە ويناۋ ارقاشان جاعىمدى, اسىرەسە استانادا ەكىنشى رەت جەڭىسكە جەتكەنىم ءتىپتى كەرەمەت», دەدى ا. دانيلينا.