استانا قالاسىنىڭ ءماسليحاتى بيىل ۇلى وتان سوعىسى ارداگەرلەرىنە جانە ۇلى وتان سوعىسىندا قازا تاپقان جاۋىنگەرلەردىڭ ەكىنشى رەت نەكەگە تۇرماعان جەسىرلەرىنە جەڭىس كۇنىنە بايلانىستى قوسىمشا الەۋمەتتىك كومەك كورسەتۋ تۋرالى شەشىم قابىلدادى, دەپ حابارلايدى Egemen.kz.
«بيىل جەڭىس كۇنىنە وراي استانا قالاسىندا تىركەلگەن جانە تۇراقتى تۇراتىن ءاربىر ۇلى وتان سوعىسىنىڭ ارداگەرىنە 800 000 تەڭگەدەن قوسىمشا الەۋمەتتىك كومەك كورسەتىلسىن», دەلىنگەن قۇجاتتا.
سونداي-اق ۇلى وتان سوعىسىندا قازا تاپقان جاۋىنگەرلەردىڭ جەسىرلەرىن قوسا العاندا, ەلوردانىڭ باسقا تۇرعىندارىنا جەڭىس كۇنىنە دەيىن 30 000 تەڭگە كولەمىندە قوسىمشا الەۋمەتتىك كومەك كورسەتىلەدى.
وسىلايشا:
استانادا تۇراتىن ارداگەرلەرگە 67 اەك (231 150 تەڭگە) كولەمىندە الەۋمەتتىك كومەك كورسەتىلەدى; ەڭبەك ارداگەرلەرىنە, ( ۇلى وتان سوعىسىندا قايتىس بولعان, حابارسىز كەتكەن) ەكىنشى نەكەگە تۇرماعان جاۋىنگەرلەردىڭ اتا-انالارى مەن جەسىرلەرىنە, ەكىنشى نەكەگە تۇرماعان جۇبايىنا (كۇيەۋى) ارقايسىسىنا 11 اەك (37 950 تەڭگە) بولىنەدى.سونداي-اق 2023 جىلى جەڭىس كۇنىنە وراي ۇلى وتان سوعىسى ارداگەرلەرىنە جانە ەكىنشى رەت نەكەگە تۇرماعان, قايتىس بولعان (حابارسىز كەتكەن) جاۋىنگەرلەردىڭ جەسىرلەرىنىڭ اراسىنان شىققان باسقا دا تۇلعالارعا 800 000 تەڭگە كولەمىندە قوسىمشا الەۋمەتتىك كومەك كورسەتۋ جوسپارلانىپ جاتىر.
«جالپى, 12 ارداگەرگە 1 031 150 تەڭگەدەن, ۇلى وتان سوعىسىنا قاتىسقان جاۋىنگەردىڭ جەسىرىنە 67 950 تەڭگەدەن تولەنەدى», دەپ قورىتىندىلادى ءماسليحات.