گرەكيا تاريحىنداعى ەڭ ءىرى تەمىرجول اپاتىنان كوز جۇمعاندار سانى 57-گە جەتتى, دەپ حابارلايدى Egemen.kz Euronews-كە سىلتەمە جاساپ.
لاريسا ماڭىندا جۇك پويىزىمەن سوقتىعىسقان افينى-سالونيكي پويىزى جولاۋشىلارىنىڭ كوپتەگەن تۋىستارى ءالى كۇنگە دەيىن جاقىندارىنىڭ تاعدىرىنان حابارسىز.
قۇتقارۋشىلار مايىسقان, سىنعان مەتالدار اراسىنان جولاۋشىلاردى ىزدەۋدى جالعاستىرۋدا. AFر-ءتىڭ ءورت سوندىرۋشىلەرگە سىلتەمە جاساپ حابارلاۋىنشا, پويىزدىڭ مەيرامحانا ۆاگونى پويىزدار سوقتىعىسقاننان كەيىن بىردەن ورتەنىپ كەتكەن, ونداعى تەمپەراتۋرا 1300°س دەيىن جەتكەن.
ەلدىڭ تۇكپىر-تۇكپىرىندە دونور بولعىسى كەلەتىندەر قان قۇيۋ پۋنكتتەرىندە ۇزىن-سونار كەزەككە تۇرعان. گرەكيانىڭ قىزىل اي وكىلدەرىنىڭ ايتۋىنشا, ءبىرىنشى كۇنى-اق ولاردىڭ قىزمەتكەرلەرى قان قۇيىلعان 270 كونتەينەر جيناعان.
زارداپ شەككەندەردىڭ جاسى – 21-26 جاس ارالىعىنداعى جولاۋشىلار. ولار لاريسا مەن سالونيك اۋرۋحانالارىنا جەتكىزىلگەن. «پروتو تەما» باسىلىمى 48 ادام جارالانعانىن, ولاردىڭ التاۋى قارقىندى تەراپيا بولىمىندە جاتقانىن جازدى.
قايعىلى وقيعا گرەكيا قوعامى ءۇشىن اۋىر سوققى بولدى. ەلدە قارسىلىق شارالارى ءوتىپ جاتىر. تەمىرجول قىزمەتكەرلەرى قاۋىپسىزدىكتى قامتاماسىز ەتۋدە بۇرىننان كەلە جاتقان ماسەلەلەر بار ەكەنىن ايتىپ, ەرەۋىلگە شىققان.