كەشە استاناداعى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ۇعا اكادەميگى, مەملەكەتتىك سىيلىقتىڭ لاۋرەاتى, عىلىم مەن تەحنيكاعا ەڭبەگى سىڭگەن قايراتكەر, فيلولوگيا عىلىمدارىنىڭ دوكتورى, پروفەسسور رىمعالي نۇرعاليدىڭ تۋعانىنا 70 جىل تولۋىنا ارنالعان “رىمعالي نۇرعالي: مۇراسى جانە قازىرگى ادەبيەت پەن ءتىل عىلىمىنىڭ كوكەيكەستى ماسەلەلەرى” اتتى حالىقارالىق عىلىمي-تەوريالىق كونفەرەنتسيا ءوتتى.
ونىڭ جۇمىسىنا پرەزيدەنت اكىمشىلىگى باسشىسىنىڭ ورىنباسارى ماۋلەن اشىمباەۆ, ءمادەنيەت ءمينيسترى مۇحتار قۇل-مۇحاممەد, ءبىلىم جانە عىلىم مينيسترى جانسەيىت تۇيمەباەۆ, پرەزيدەنتتىك مادەنيەت ورتالىعىنىڭ ديرەكتورى مىرزاتاي جولداسبەكوۆ, پارلامەنت سەناتى مەن ءماجىلىسىنىڭ دەپۋتاتتارى, جوعارى وقۋ ورىندارىنىڭ رەكتورلارى, بەلگىلى اقىن-جازۋشىلار, قوعام قايراتكەرلەرى, اسپيرانتتار مەن ىزدەنۋشىلەر, الىس جانە جاقىن شەتەلدەردىڭ عالىمدارى قاتىسىپ, ر.نۇرعاليدىڭ شىعارماشىلىق مۇراسىن زەردەلەۋ ارقىلى ءتىل ءبىلىمى, ادەبيەتتانۋ, تاريح, فيلولوگيا, پەداگوگيكا جانە پسيحولوگيا سياقتى عىلىمداردىڭ وزەكتى ماسەلەلەرىن تالقىعا سالدى.
سونىمەن بىرگە ءۇش تىلدە وتكەن كونفەرەنتسيانىڭ اياسىندا عالىم تۋرالى كىتاپ پەن سۋرەت كورمەلەرى, “دوڭگەلەك ۇستەل” وتىرىسى وتكىزىلىپ, ءوزى سوڭعى كەزدەرى قىزمەت ەتكەن ۋنيۆەرسيتەتتىڭ وقىتۋشىلارى مەن ستۋدەنتتەرى ۇستازدارىنىڭ عىلىمعا سىڭىرگەن ەڭبەگى, شىعارماشىلىق ىزدەنىستەرى, جەكە ازامات رەتىندەگى ومىرلىك ۇستانىمدارى جونىندە ويلارىمەن ءبولىستى.
داستان كەنجالين.