اقش-تىڭ مەملەكەتتىك حاتشىسى ەنتوني بلينكەننىڭ قازاقستانعا رەسمي ءىسساپارى اياسىندا يندۋستريا جانە ينفراقۇرىلىمدىق دامۋ مينيسترلىگى گەولوگيا كوميتەتىنىڭ توراعاسى ەرلان اقباروۆ اقش-تىڭ قازاقستانداعى توتەنشە جانە وكىلەتتى ەلشىسى دەنيەل روزەنبليۋممەن كەزدەستى, دەپ حابارلايدى Egemen.kz يدم ءباسپاسوز قىزمەتىنە سىلتەمە جاساپ.
تاراپتار جەر قويناۋىنا گەولوگيالىق زەرتتەۋ جۇرگىزۋ سالاسىنداعى ۇزاقمەرزىمدى ءتيىمدى ىنتىماقتاستىقتى دامىتۋ ماسەلەلەرىن تالقىلاپ, مەموراندۋمعا قول قويدى.
ايتالىق, جەر قويناۋىنا گەولوگيالىق زەرتتەۋ جۇرگىزۋ بويىنشا تاجىريبە الماسىپ, قۇزىرەتتىلىكتى ارتتىرۋ, گەولوگيالىق-گەوفيزيكالىق زەرتتەۋلەردىڭ زاماناۋي تەحنولوگيالارىن قولدانۋ, اسىرەسە پايدالى قازبانىڭ ورىندارىن كارتاعا ءتۇسىرۋ ىسىندە, ايماقتىق ماسشتابتا بولجاۋ ادىستەرى مەن مودەلدەۋدە قولعابىس ەتىپ, سونداي-اق بىرلەسكەن عىلىمي سەمينارلاردى, دوڭگەلەك ۇستەلدەردى ءارى ۆوركشوپتاردى وتكىزۋ باعىتىندا ءوزارا بايلانىستى نىعايتۋ جوسپارلانىپ وتىر.
كەزدەسۋدىڭ قورىتىندىسى بويىنشا ەكى جاق ىسكەرلىك اڭگىمەگە ريزاشىلىقتارىن جەتكىزىپ, قازاقستان مەن اقش اراسىنداعى قارىم-قاتىناستى ودان ءارى دامىتۋدىڭ ماڭىزدىلىعىن اتاپ ءوتتى.