استانادا ورتالىق ازيا ەلدەرى مەن اقش سىرتقى ساياسي مەكەمەلەرى باسشىلارىنىڭ قاتىسۋىمەن س5+1 فورماتىندا مينيسترلىك كەزدەسۋ ءوتىپ جاتىر, دەپ حابارلايدى Egemen.ءkz سىم باسپاسوز قىزمەتىنە سىلتەمە جاساپ.
كۇن ءتارتىبى وڭىرلىك ىنتىماقتاستىق پەن ورتالىق ازيانىڭ اقش-پەن سەرىكتەستىك ماسەلەلەرىن ودان ءارى دامىتۋدى قامتيدى.
«قازاقستان ءوزىنىڭ كوپۆەكتورلى جانە سالماقتى سىرتقى ساياساتىن جالعاستىرادى. وسى تۇرعىدا ورتالىق ازيا دا, اقش تا ءبىز ءۇشىن نەگىزگى باسىمدىقتار بولىپ تابىلادى. وسى ورايدا «س5+1» فورماتى ودان دا وزەكتى بولىپ وتىر. ءبىزدىڭ ۇجىمدىق كۇش-جىگەرىمىزدىڭ ارقاسىندا «س5+1» فورماتى ماڭىزدى قۇرالعا اينالدى. ول ءبىزدىڭ ەلدەرىمىزدى ەكونوميكالىق جانە ساۋدا بايلانىستارىن نىعايتۋ جانە ورتالىق ماسەلەلەردى ءتيىمدى شەشۋ ءۇشىن بىرىكتىرەدى», دەدى مۇحتار تىلەۋبەردى.