استانادا پرەمەر-ءمينيستردىڭ ورىنباسارى - سىرتقى ىستەر ءمينيسترى مۇحتار تىلەۋبەردى اقش مەملەكەتتىك حاتشىسى ەنتوني بلينكەنمەن كەزدەستى, دەپ حابارلايدى Egemen.kz.
اقش مەملەكەتتىك حاتشىسى ەنتوني بلينكەن بۇگىن تۇندە استاناعا رەسمي ساپارمەن كەلدى.
استانادا بلينكەننىڭ قاتىسۋىمەن ورتالىق ازيا ەلدەرى مەن اقش سىرتقى ىستەر ۆەدومستۆولارى باسشىلارىنىڭ س5+1 فورماتىنداعى مينيسترلىك كەزدەسۋى وتەدى.
كەزدەسۋدە ورتالىق ازيا ەلدەرى مەن اقش اراسىنداعى ەكونوميكا, ەنەرگەتيكا, قورشاعان ورتانى قورعاۋ جانە لاڭكەستىكپەن كۇرەس سالالارىنداعى ىنتىماقتاستىق ماسەلەلەرىن تالقىلاۋ جوسپارلانىپ وتىر.
بلينكەننىڭ ايتۋىنشا, بۇل ونىڭ مەملەكەتتىك حاتشى رەتىندە قازاقستان مەن وزبەكستانعا ءبىرىنشى ساپارى.