قانسوناردا بۇركىتشى شىعادى اڭعا...

قازاقتىڭ ساياتشىلىق ونەرىن سەرىك ەتكەن قۇسبەگىلەر سايىسى جاڭاتالاپ اۋىلى ماڭىنداعى «قۇلاگەر» بازاسىندا ءوتتى. وعان استانا, الماتى قالالارىمەن بىرگە اقمولا, قاراعاندى, جام­بىل, شىعىس قازاقستان, تۇركىس­تان, ماڭعىستاۋ, پاۆلودار, اتى­راۋ, اباي, جەتىسۋ, ۇلىتاۋ وب­لىس­تارىنان 50-گە جۋىق قۇس­بەگى قا­تىستى. قۇسبەگىلەر 31 بۇر­­كىت­تىڭ, 11 قارشىعا مەن 10 يتەل­گى­نىڭ توما­عاسىن سىپىرىپ, سىنعا سالدى.

چەمپيوناتتىڭ شەشۋشى سىنىندا 5 بۇركىتتىڭ شەبەرلىگى تەكسەرىلدى. ەرەجەگە ساي سىننان وت­كەن سوڭ استانا قالاسىنىڭ تۇر­­عىنى سەرىكبەك كۇنتۋعان «ال­­عىر», اتىراۋلىق ارمان قوش­­قاروۆ «نارىن» بۇركىتىمەن ءۇشىنشى جۇلدەگە يە بولدى. سايىسقا «زاڭعار» بۇركىتىن قوس­­قان اباي وبلىسىنىڭ وكىلى ەر­زات بايقاداموۆ ەكىنشى ورىندى يەلەندى. ال ەلوردالىق ارمانبەك كۇنتۋعان ۇلى «قارا­شولاق» قى­رانىمەن ەل چەمپيونى اتاندى.

قار­شىعا باپتاعان استا­نا­لىقتار – كۇن­تۋعان سەرىكبەك «ناي­زاتۇياق», قۇداي­بەرگەن راۋيل­ ۇلى «چي­پوك» اتالاتىن قۇ­سىمەن ءۇشىنشى ورىننىڭ جۇل­­­دەسىن ءوزارا ءبو­لىستى. تۇر­كىس­تان وبلىسىنىڭ تۇر­عىنى باع­دات كەۋەنوۆ «تار­لان» قار­شى­عاسىمەن ەكىنشى جۇل­دەگە قول جەتكىزدى. تاعى ءبىر تۇركىستاندىق داۋرەن ارشاباي باپ­تاعان «تۇي­عىن» ءبىرىنشى جۇل­دەگە يە بولدى.

يتەلگىلەر سايىسىنىڭ قى­زىعى مول. تۇركىستاندىق قوس قۇس­بەگىنىڭ يتەل­­گىسى ءۇشىنشى جۇلدەنىڭ يەسى اتاندى. ولار – يبراگيم بازار­باەۆتىڭ «قا­­راكوزى» مەن باعدات كەۋەنوۆتىڭ «تۇ­مارى». ەكىنشى ورىن جامبىل وب­لىسىنان قاتىسقان باقداۋلەت با­باجاننىڭ «قاراكوز» اتتى يتەل­گىسىنە بە­رىلدى. ءبىرىنشى جۇلدەنى اق­مولا وبلىسىنىڭ نامىسىن قور­عاعان ەرلان كەنجەتاەۆتىڭ «اق­باس» اتاۋى بار يتەلگىسى يەلەندى.

اتىراۋ وبلىسى