الەۋمەتتىك جەلى قولدانۋشىلارى ورالداعى ارنايى حقكو-لاردىڭ بىرىندە تۇسىرىلگەن سۋرەتتى قىزۋ تالقىلاپ جاتىر, دەپ حابارلايدى Egemen.kz.
بۇل سۋرەتتە ەلەكتروندى كەزەكتى كورسەتىپ تۇرعان نوۋتبۋك بەينەلەنگەن. ءبىر قىزىعى گادجەت توبەدە ءىلۋلى تۇرعان تەلەديداردىڭ ارتقى جاعىنا بەكىتىلگەن.
جەلى قولدانۋشىلارى يدەيا اۆتورىنىڭ تاپقىرلىعىنا تاڭقالدى.
«Why نوۋت؟», «99-دەڭگەيدەگى ايتيشنيكتەر», «ايتيشنيكتەر كەرەمەت! ماسەلەنى تەز جانە ارزان شەشىپتى. جاقسى, شاعىن كومپيۋتەر, قانشا تۇرادى؟ 400 مىڭ؟» «ىستەن شىققان نوۋتبۋك پايداسىن تيگىزدى», «زاماناۋي ماسەلەلەر زاماناۋي شەشىمدەردى تالاپ ەتەدى», دەپ وقىرماندار ويلارىن ورتاعا سالدى.
مەملەكەتتىك كورپوراتسيانىڭ بقو بويىنشا فيليالى مۇنداي قىزىق جاعدايعا قاتىستى تۇسىنىكتەمە بەردى.
«ەلەكتروندى كەزەك نوۋتبۋك ارقىلى جۇمىس ىستەگەن. بۇكىل پروتسەسس (كەزەككە تۇرۋ ءتارتىبى, كليەنتتى شاقىرۋ, حابارلاۋ جانە ت.ب.) نوۋتبۋك ارقىلى باسقارىلدى. بۇل نوۋتبۋك HDMI كابەلى ارقىلى نەگىزگى تابلوعا قوسىلعان, ول ارقىلى ازاماتتارعا ەلەكتروندى كەزەۋ جايلى اقپارات بەرىلدى», دەلىنگەن حابارلامادا.
سونىمەن قاتار ءباسپاسوز قىزمەتى مەكەمەدە توبەنىڭ بيىكتىگى 8 مەتردى قۇرايتىنىن, بۇل كۇتۋ زالىنىڭ ورتاسىنا ورناتىلعان تابلوعا كابەل جۇرگىزۋدى قيىنداتاتىنىن قوسا حابارلادى. وسىلايشا, جۇيەنىڭ بىركەلكى جۇمىسىن قامتاماسىز ەتۋ ءۇشىن نوۋتبۋكتى تابلونىڭ ارتقى جاعىنا ورناتۋ تۋرالى شەشىم قابىلدانعان.