2023 جىلعى 1 ساۋىردە قازاقستاندا اكىمشىلىك كودەكسكە ەنگىزىلگەن وزگەرىستەر كۇشىنە ەنەدى. ەندى ايىپپۇل تولەۋ قاجەتتىگى تۋرالى حابارلاما جۇرگىزۋشىنىڭ eGov.kz پورتالىنداعى جەكە كابينەتىنە جانە تەلەفون نومىرىنە جىبەرىلەدى. وسىدان كەيىن ايىپپۇلدى تولەۋ تۋرالى بۇيرىق جەتكىزىلدى دەپ ەسەپتەلەدى. بۇل تۋرالى Kolesa.kz سايتىندا جازىلعان, دەپ حابارلايدى Egemen.kz.
قازىر جۇرگىزۋشىلەر اتىندا ايىپپۇلدىڭ بار-جوعىن مەملەكەتتىك كىرىستەر كوميتەتىنىڭ سايتىنان جانە كەي بانك قوسىمشالارىنان تەكسەرە الادى.
سونىمەن قاتار ايىپپۇل تۋرالى حابارلاما جۇرگىزۋشىنىڭ eGov.kz پورتالىندا تىركەلگەن تەلەفون نومىرىنە SMS تۇرىندە جىبەرىلەدى. الايدا ازاماتتار پورتالعا تەلەفون ءنومىرىن قاتە جازۋى نەمەسە وزگەرتىپ جىبەرۋى مۇمكىن. سونىڭ سالدارىنان ماشينانى قايتا تىركەۋ كەزىندە ءوز اتىندا ايىپپۇل بارىن بىلمەي جاتادى.