ەلىمىزدە جىل سايىن قانشا توننا قوي ءجۇنى وندىرىلەدى؟

ءجۇندى اكەتۋگە ارنالعان ەكسپورتتىق كەدەندىك باجدىڭ نولدىك مولشەرلەمەسىنىڭ قولدانىلۋ مەرزىمىن 2024 جىلعى 31 جەلتوقسانعا دەيىن ۇزارتۋ تۋرالى شەشىم قابىلداندى. بۇل ماسەلە اۋىل شارۋاشىلىعى مينيسترلىگىنىڭ باستاماسىمەن قارالدى.

اشم مالىمەتى بويىنشا, ەلىمىزدە جىل سايىن 40 مىڭ تونناعا جۋىق قوي ءجۇنى وندىرىلەدى, ونىڭ ىشىندە جۇقا جانە جارتىلاي جۇقا جۇن وڭدەلەدى, بۇل جالپى ءوندىرىس كولەمىنىڭ 20%-ى عانا. ەكسپورتتىق كەدەندىك باجدىڭ كۇشىن جويعاندا قىرقىلعان ءجۇندى تىكەلەي وتكىزۋدەن فەرمەرلەرگە تۇسەتىن تابىس 20-25%-عا, قايتا وڭدەۋ كاسىپورىندارىندا 10%-عا ۇلعايادى. سونىمەن قاتار فەرمەرلەردىڭ سەلەكتسياعا دەگەن قىزىعۋشىلىعى ارتادى, بۇل بيازى ءجۇندى قويلاردى كوبەيتۋگە ىقپال ەتپەك.

ۆاك شەشىمىمەن 2023 جىلعى 31 جەلتوقسانعا دەيىنگى مەرزىمگە ءىرى قارا مالدىڭ تەرىسىنە ەكسپورتتىق كەدەندىك باجدى 1 توننا ءۇشىن 200-دەن 100 ەۋروعا دەيىن تومەندەتۋ جانە ۇساق مالدىڭ تەرىسىنە ەكسپورتتىق كەدەندىك باجداردى جويۋ ماقۇلداندى.

قازىرگى ۋاقىتتا ىقم باسىنىڭ سانى جىل سايىن وسۋدە, ەكسپورت پەن ىشكى نارىقتا سۇرانىس تومەن, بۇل جاعدايدا وڭدەلمەگەن تەرى قالدىقتارىنىڭ كولەمى ارتادى. اتاپ ايتقاندا, 2020 جىلى 2019 جىلمەن سالىستىرعاندا ءوسىم 406 مىڭ دانا نەمەسە 15,7%-دى قۇرادى. اۋىل شارۋاشىلىعى جانۋارلارىنىڭ وڭدەلمەگەن تەرىلەرىنە كەدەندىك اكەتۋ باجدارىنىڭ تومەندەۋى نارىقتا ولارعا سۇرانىس قالىپتاستىرۋعا مۇمكىندىك بەرەدى, وندىرۋشىلەر مەن دايىنداۋشىلار ولاردىڭ ساپاسىن جاقسارتۋعا مۇددەلى بولادى دەپ كۇتىلۋدە. بۇل ءوندىرۋشى ۇيىمداردىڭ قىزمەتىن جانداندىرۋعا جاڭا سەرپىن بەرەدى, بۇل قايتا وڭدەۋ ونەركاسىبىنىڭ دامۋىنا, جەكە قوسالقى جانە شارۋا قوجالىقتارىنىڭ ءونىم ءوندىرۋ مەن ساتۋدىڭ وسىمىنە ىقپال ەتەدى.

سونداي-اق ۆاك وتىرىسىندا اتتراكتسيوندىق تەحنيكانىڭ كەيبىر تۇرلەرىنە, بالىققا ارنالعان جەمگە كەدەندىك اكەلۋ باجدارىنىڭ مولشەرلەمەلەرىن تومەندەتۋ بويىنشا ۇسىنىستار قارالدى. قازاقستان رەسپۋبليكاسىنىڭ اۋماعىنان كومىردى جانە ليگنيتتى (قوڭىر كومىردى) اۆتوموبيل كولىگىمەن اكەتۋگە التى اي مەرزىمگە ۋاقىتشا تىيىم سالۋدى بەلگىلەۋ تۋرالى شەشىم قابىلداندى. ىقم جانە ۇساق مال باسىنان باسقا, ءتىرى ءىرى قارا مالدى, قوي مەن ەشكىنى قر اۋماعىنان اكەتۋگە كۆوتانىڭ قولدانىلۋ مەرزىمى 6 ايعا ۇزارتىلدى.